Specialistët e qarkullimit rrugor referuan materialet në Prokurori, ku nisi procedimi në gjendje të lirë për shtetasin R. D., 36 vjeç, sepse dje, në aksin rrugor “Milot-Bushnesh”, automjeti që drejtonte ky shtetas, është përplasur me automjetin që drejonte shtetasi malazez, B. S., 36 vjeç. Nga aksidenti, janë dëmtuar lehtë, shtetasi B. S. dhe 2 pasagjerë në automjetin që drejtonte ai.
Ditën e djeshme, kanë kallëzuar shtetasit:
-P. Ç., 50 vjeç, banues në Lezhë, se pasi i kanë thyer xhamin e automjetit të tij, të cilin kishte parkuar në afërsi të pallatit ku banon, i kanë vjedhur 1 celular;
-F. Gj., 34 vjeç, banues në Laç, se i kanë vjedhur ciklomotorin, të cilin e kishte parkuar në afërsi të pallatit ku banon.
Punohet për identifikimin dhe nxjerrjen përpara përgjegjësisë penale, të autorëve të vjedhjeve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.