Drejtoria Vendore e Policisë Gjirokastër
Specialistët e Sektorit të Policisë Rrugore arrestuan në flagrancë shtetasin K. N., 43 vjeç, banues në Përmet, pasi u konstatua duke drejtuar automjetin, në gjendje të dehur.
Po këta specialistë referuan materialet në Prokurori ku nisi procedimi penal për shtetasin A. H., 59 vjeç, banues në Tiranë, pasi duke drejtuar automjetin, në gjendje të dehur, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga. Nga aksidenti është dëmtuar lehtë 59-vjeçari.
Specialistët për Hetimin e Krimeve të Komisariatit të Policisë Gjirokastër referuam materialet në Prokurori ku nisi procedimi penal për shtetasin I. D., 28 vjeç, banues në Gjirokastër, pasi ka tentuar të vjedhë disa sende personale në automjetin e shtetasit F. Z.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.