Drejtoria Vendore e Policisë Lezhë
Specialistët e Seksionit për Hetimin e Krimeve të Komisariatit të Policisë Lezhë referuan materialet në Prokurori ku nisi procedimi në gjendje të lirë për shtetasin Gj. G., 66 vjeç, banues në fshatin Rrile, pasi dyshohet se ka kanosur shtetasin M. Sh., për motive pronësie.
Specialistët e Seksionit për Hetimin e Krimeve Ekonomiko-Financiare referuan materialet hetimore në Prokurori, për shtetasit P. L., 66 vjeç (kryetar i fshatit Tale), D. L., 55 vjeç dhe B. Gj., 56 vjeç. Shtetasi B. Gj. iu ka dhënë një shumë parash, shtetasve P. L. dhe D. L., për blerjen e një sipërfaqeje toke që ata ia kishin ishte shitur një shtetasi tjetër, disa vite më parë. Vijojnë hetimet për rastin.
Specialistët e Sektorit të Qarkullimit Rrugor referuan materialet në Prokurori ku nisi procedimi në gjendje të lirë për shtetasin G. D., 62 vjeç, banues në fshatin Barbulloj, pasi në fshatin Rrile, duke drejtuar një motomjet pa targa, ka humbur kontrollin dhe për pasojë është rrëzuar. Shtetasi G. D. po merr mjekim në Spitalin e Traumës.
Specialietët e Seksionit për Hetimin e Krimeve të Komisariatit të Policisë Kurbin referuan materialet hetimore në Prokurori ku nisi procedimi në gjendje të lirë për shtetasit E. P., 35 vjeç, dhe F. P., 40 vjeç, banues në Laç, pasi janë konfliktuar fizikisht me njëri-tjetrin, në ambientet e një lokali, për motive të dobëta.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.