DVP Korçë
Specialistët për Hetimin e Narkotikëve arrestuan në flagrancë shtetasin D. G., 27 vjeç, banues në Korçë, pasi gjatë kontrollit fizik iu gjet dhe sekuestrua një sasi lënde e dyshuar narkotike cannabis sativa. Nga verifikimet e kryera rezultoi se ky shtetas kishte thyer masën e sigurisë “Arrest në shtëpi”.
Specialistët për Hetimin e Krimeve të Komisariatit të Policisë Korçë arrestuan në flagrancë shtetasin A. H., 39 vjeç, banues në Korçë, pasi u kap në flagrancë nga shërbimet e Policisë, në një banesë ku kishte hyrë për të vjedhur.
Specialistët e Sektorit të Qarkullimit Rrugor arrestuan në flagrancë shtetasit K. P., 51 vjeç, banues në Pogradec dhe D. I., 33 vjeç, banues në Korçë, pasi u kapën duke drejtuar automjetet përkatëse, në gjendje të dehur.
Specialistët për Hetimin e Krimeve të Komisariatit të Policisë Devoll referuan materialet në Prokurori, ku filloi procedimi penal për shtetasen A. Xh., 32 vjeç, pasi dyshohet se ka ushtruar dhunë psikologjike ndaj vjehrrës dhe vjehrrit të saj, të cilët u pajisën me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.