Drejtoria Vendore e Policisë Fier
•Qëlloi në ajër me pistoletë, në afërsi të banesës së shtetasit me të cilin u konfliktua, me qëllim kanosjen, ndalohet 35-vjeçari i shpallur në kërkim.
Specialistët për Hetimin e Krimeve të Komisariatit të Policisë Lushnjë ndaluan shtetasin e shpallur në kërkim O. D., 35 vjeç, banues në fshatin Dushk, pasi dyshohet se më datë 12.01.2025, me qëllim kanosjen, ka qëlluar në ajër, me pistoletë, në afërsi të banesës së shtetasit F. R., 20 vjeç. Këta 2 shtetas dyshohet se janë konfliktuar për motive të dobëta, në një lokal në fshatin Dushk.
•Specialistët për Hetimin e Krimeve të Komisariatiit të Policisë Fier arrestuan në flagrancë shtetasit A. M., 31 vjeç, banues në fshatin Cakran, L. Ç., 50 vjeç, banues në Vlorë dhe A. B., 55 vjeç, banues në Vlorë, pasi janë kapur në flagrancë duke vjedhur naftë nga serbratori i kamionit të kompanisë në të cilën ishin të punësuar si shoferë.
•Specialistët e Sektorit të Qarkullimit Rrugor:
-arrestuan në flagrancë shtetasin A. K., 31 vjeç, banues në Fier, pasi u kap duke drejtuar automjetin, në gjendje të dehur;
-referuan materialet në Prokurori, ku nisi procedimi penal për shtetasin E. Sh., 28 vjeç, banues në Fier, pasi në fshatin Bubullimë, automjeti që drejtonte ky shtetas, është përplasur me automjetin me drejtues shtetasin B. Gj.. Si pasojë është dëmtuar pasagjeri në automjetin që drejtonte shtetasi B. Gj., shtetasi Q. P., 71 vjeç, i cili si pasojë e dëmtimeve, është në spital.
Materialet procedurale i kaluan Prokurorisë së Fierit, për veprime të mëtejshme.