Drejtoria Vendore e Policisë Shkodër
Specialistët e Sektorit të Qarkullimit Rrugor referuan materialet në Prokurori, ku nisi procedimi në gjendje të lirë për shtetasin K. V., 51 vjeç, banues në fshatin Shelqet, pasi u kap duke drejtuar automjetin, pa leje drejtimi.
Gjithashtu, specialistët e Sektorit të Qarkullimit Rrugor referuan materialet në Prokurori, për vlerësim, pasi ditën e djeshme, në aksin rrugor “Shkodër-Hani i Hotit”, shtetasja M. P., 52 vjeçe, duke drejtuar automjetin, dyshohet se për shkak të një manovre të gabuar, ka përplasur automjetin me drejtues shtetaasin F. M., 26 vjeç. Si pasojë janë dëmtuar lehtë të dy drejtuesit e automjeteve dhe dy pasagjerë.
-Më datë 04.05.2025, shtetasi S. R., 61 vjeç, ka kallëzuar se i kanë vjedhur një orë dore, në banesën e tij, në fshatin Gruemirë, gjatë kohës që në banesë nuk ka patur njeri. Punohet për identifikimin dhe kapjen e autorit/ve.
Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të metejshme.