Specialistët e Sektorit të Qarkullimit Rrugor arrestuan në flagrancë shtetasin Sh. V., 35 vjeç, banues në Divjakë, pasi u kap duke drejtuar motomjetin, në gjendje të dehur.
Specialistët e Komisariatit të Policisë Lushnjë referuan materialet në Prokurori, ku nisi procedimi penal për shtetasin O. P., 20 vjeç, banues në fshatin Fiershegan, pasi dyshohet se për motive të dobëta, ka goditur me grushte, një 18-vjeçar.
Specialistët e Komisariatit të Policisë Divjakë referuan materialet në Prokurori, ku nisi procedimi penal për shtetasin B. H., 48 vjeç, banues në fashtin Spolatë, pasi dyshohet se ka ushtruar dhunë ndaj vëllait të tij.
Specialistët e Komisariatit të Policisë Fier referuan materialet në Prokurori, për vlerësim, pasi më datë 04.03.2025, në kasollen e bagëtive në pronësi të vajzës së saj, në fshatin Jagodinë, është gjetur e vetëvarur shtetasja V. H., 75 vjeçe.
Materialet procedurale iu referuan Prokurorisë së Fierit, për veprime të mëtejshme