Tiranë/Arrestohen 4 shtetas, për vepra të ndryshme penale.
Specialistët e Seksionit për Hetimin e Krimeve të Komisariatit të Policisë Nr. 4 arrestuan shtetasin A. M., 47 vjeç, banues në Tiranë, pasi dyshohet se ka kanosur dhe ka ushtruar dhunë ndaj bashkëshortes së tij.
Gjithashtu, nga këta specialistë u ndalua shtetasi K. D., 55 vjeç, banues në Shëngjergj, pasi dyshohet se ka thyer masën e sigurisë “Arrest në shtëpi”, ka kanosur shtetasin A. D., 19 vjeç, banues në Urë Shëngjergj dhe ka dëmtuar motomjetin e tij.
Specialistët e Komisariatit të Policisë Rrugore Tiranë arrestuan shtetasit:
– A. I., 20 vjeç, banues në Tiranë, pasi u kap duke drejtuar motomjetin, pa leje drejtimi;
– A. M., 34 vjeç, banues në fshatin Spathar, Librazhd, pasi në fshatin Ibë, duke drejtuar automjetin, në gjendje të dehur, dyshohet se ka humbur kontrollin dhe automjeti është përplasur me barrierat metalike të rrugës. Si pasojë është dëmtuar pasagjerja në mjet, shtetasja E. K., 37 vjeçe, e cila ndodhet në spital, jashtë rrezikut për jetën.
Në Komisariatin e Policisë Nr. 6 është paraqitur shtetasi S. H., i cili ka kallëzuar se është larguar nga banesa vëllai i tij, shtetasi B. B., 39 vjeç. Punohet për gjetjen e tij.
Materialet i kaluan Prokurorisë.