Vijojnë kontrollet në territor, puna hetimore dhe operacionale, me qëllim parandalimin dhe goditjen e paligjshmërive.
Janë finalizuar 5 operacione në Tiranë, Fier, Korçë, Vlorë dhe Kukës, për goditjen e veprimtarive kriminale në fushat e falsifikimit të dokumenteve, prostitucionit dhe vjedhjes, si dhe për kapjen e personave të shpallur në kërkim ndërkombëtar.
Janë kapur/ndaluar 3 shtetas që ishin në kërkim për vepra të ndryshme penale.
Në fushën e narkotikëve janë evidentuar 9 raste në të gjithë territorin, me 1 autor të arrestuar dhe 8 të proceduar në gjendje të lirë. Gjithashtu, janë sekuestruar sasi lënde të dyshuara narkotike, cannabis sativa dhe kokainë.
Në fushën e krimeve ndaj personit janë evidentuar 3 raste, me 6 autorë të proceduar në gjendje të lirë.
Në Tiranë, janë proceduar penalisht 4 shtetas të mitur, pasi, në bulevardin “Dëshmorët e Kombit”, janë kapur në flagrancë duke goditur me sende të forta në drejtim të punonjësve të Policisë dhe të Gjykatës Kushtetuese. Gjithashtu, është proceduar penalisht një 45-vjeçar, pasi është identifikuar si pjesëmarrës në protestat e zhvilluara që prej datës 13.10.2026, në rrugën e Durrësit, pranë Ministrisë së Arsimit, gjatë të cilave janë kryer veprime të dhunshme.
Në Korçë, u arrestua një shtetas, pasi ka kanosur me mjet prerës (thikë), për shkak të detyrës, një punonjës Policie.
Në Vlorë, u procedua penalisht në gjendje të lirë shtetasi A. A., 47 vjeç, banues në Tiranë, me detyrë drejtues teknik në një kantier ndërtimi në Ksamil, për veprën penale “Shkelja e rregullave të mbrojtjes në punë”, pasi ditën e djeshme, në këtë kantier, është rrëzuar aksidentalisht një punëtor 50-vjeçar, i cili ka pësuar dëmtime të lehta në fytyrë.
Në fushën e krimeve kundër pronës janë evidentuar 3 raste, me 1 autor të arrestuar dhe 2 në kërkim.
Janë evidentuar 8 raste të dhunës në familje, me 1 autor të arrestuar, 4 të proceduar në gjendje të lirë dhe 3 në kërkim. Gjithashtu, janë plotësuar 5 kërkesëpadi për lëshimin e urdhrave të mbrojtjes.
Janë evidentuar 9 raste të krimeve kundër mjedisit, me 9 autorë të proceduar në gjendje të lirë.
Janë evidentuar 3 raste në fushën e vjedhjes, me 1 autor në kërkim, ndërsa për 2 raste po punohet për identifikimin e autorit/ëve.
Janë evidentuar 8 raste të krimeve ekonomiko-financiare, me 10 autorë të proceduar në gjendje të lirë. Gjithashtu, është evidentuar 1 rast në fushën e krimeve kompjuterike/kibernetike, me 1 autor të proceduar në gjendje të lirë.
Janë proceduar penalisht 20 shtetas dhe 1 tjetër është shpallur në kërkim, për vepra të ndryshme penale.
Janë arrestuar 9 shtetas dhe janë proceduar penalisht 5 të tjerë, pasi drejtonin automjete në gjendje të dehur ose pa leje drejtimi. Gjithashtu, është arrestuar 1 shtetas dhe janë proceduar penalisht 2 të tjerë, pasi kanë shkelur rregullat e qarkullimit rrugor.
Në Durrës, u arrestua shtetasi N. K., 44 vjeç, banues në Ballaj, Kavajë, pasi në aksin rrugor Gosë-Ballaj, Rrogozhinë, duke drejtuar automjetin tip “Audi”, është përplasur me motomjetin tip “Yamaha”, me drejtues shtetasin R. I., 56 vjeç, banues në Gosë, i cili si pasojë ka humbur jetën në vendngjarje.
Strukturat e Policisë Kufitare kanë proceduar penalisht 3 shtetas për kontrabandë mallrash dhe kalim të paligjshëm të kufirit.
Më datë 30.10.2026, rreth orës 23:35, në vendin e quajtur “Fusha e Vjetër e Sportit”, ka rënë zjarr në fabrikën e qirinjve. Në vendngjarje kanë shkuar shërbimet zjarrfikëse, të cilat kanë bërë të mundur shuarjen e zjarrit, si dhe shërbimet e Policisë. Si pasojë e zjarrit janë shkaktuar vetëm dëme materiale, pa persona të lënduar. Vijon puna për sqarimin e rrethanave dhe përcaktimin e shkakut të rënies së zjarrit.
Kukës/ Rreth orës 08:50, në vendin e quajtur “Lugina e Drinit të Zi”, automjeti me drejtues shtetasin K. V., 66 vjeç, ka dalë nga rruga. Si pasojë, janë dëmtuar drejtuesi i automjetit dhe pasagjeri, shtetasi I. V., 21 vjeç, të cilët janë jashtë rrezikut për jetën. Grupi hetimor po kryen veprimet për sqarimin e rrethanave të aksidentit.
Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke u garantuar reagim profesional, të shpejtë dhe anonimitet të sigurt.