Shërbimet e Policisë, në të gjithë vendin, vijojnë kontrollet në territor, monitorimin e qarkullimit rrugor dhe goditjet e njëpasnjëshme, bazuar në informacionet e siguruara në rrugë operative, me qëllim parandalimin dhe goditjen e paligjshmërive.
Si rezultat, janë finalizuar 2 operacione për goditjen e veprimtarive kriminale të kultivimit të bimëve narkotike dhe të shitjes së armëve të zjarrit.
U sekuestruan 2 armë zjarri dhe municion luftarak.
Gjithashtu, është kapur/ndaluar 1 shtetas i shpallur në kërkim për veprën penale “Vjedhja me dhunë” dhe 3 shtetas të tjerë të shpallur në kërkim për vepra të ndryshme penale.
Në fushën e narkotikëve, krahas operacioneve, janë goditur 20 raste, 6 prej tyre me 6 shtetas të proceduar në gjendje të lirë, ndërsa për rastet e tjera po punohet për identifikimin dhe kapjen e autorëve.
Janë sekuestruar, në cilësinë e provës materiale, sasi të lëndës së dyshuar narkotike kanabis, si dhe janë asgjësuar bimë narkotike të kultivuara.
Në fushën e krimeve ndaj personit janë evidentuar 12 raste, me 4 shtetas të arrestuar, 13 të proceduar në gjendje të lirë dhe 3 të shpallur në kërkim.
Kurbin/U arrestuan shtetasit K. T., 24 vjeç, E. Gj., 36 vjeç dhe R. Gj., 29 vjeç (vëllezër), dhe u shpallën në kërkim shtetasit A. A., 50 vjeç dhe M. B. alias M. A., 40 vjeç, pasi dyshohet se janë konfliktuar me njëri-tjetrin dhe me shtetasin E. A., si dhe kanë kundërshtuar punonjësit e Policisë, të cilët kanë ndërhyrë për parandalimin e përshkallëzimit të konfliktit.
Në fushën e krimeve kundër pronës janë evidentuar 3 raste, me 3 shtetas të proceduar në gjendje të lirë.
Në fushën e krimeve kundër mjedisit janë evidentuar 6 raste, me 6 shtetas të proceduar në gjendje të lirë. Për njërin prej rasteve, u procedua penalisht për shpërdorim detyre 1 shtetas, me detyrë teknik pyjesh.
U procedua penalisht një 63-vjeçar, pasi dyshohet se ka shpërdoruar detyrën si rojë në një subjekt privat, në Tiranë, duke vjedhur nga ambientet e subjektit, një sasi të konsiderueshme kablloje elektrike.
Janë evidentuar 10 raste të dhunës në familje, me 2 shtetas të arrestuar dhe 8 të proceduar në gjendje të lirë.
Gjithashtu, janë plotësuar 10 kërkesa-padi për lëshimin e urdhrave të mbrojtjes.
Në fushën e krimeve ekonomike janë evidentuar 4 raste, me 4 shtetas të proceduar në gjendje të lirë.
Janë evidentuar 2 raste të krimeve kibernetike, po punohet për identifikimin dhe kapjen e autorëve.
Janë arrestuar 2 shtetas dhe janë proceduar penalisht 7 të tjerë, pasi drejtonin mjete në gjendje të dehur dhe/ose pa leje drejtimi.
Gjithashtu, janë proceduar penalisht 2 shtetas, pasi dyshohet se kanë shkelur rregullat e qarkullimit rrugor, si dhe po punohet për kapjen e 2 shtetasve që janë larguar nga vendi i aksidentit.
Është arrestuar 1 shtetas dhe është proceduar në gjendje të lirë 1 tjetër, për kundërshtim të punonjësve të Policisë.
Janë proceduar në gjendje të lirë 14 shtetas, për vepra të ndryshme penale.
Policia Kufitare: U procedua penalisht 1 shtetas, për kontrabandë mallrash.
Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke garantuar reagim profesional dhe të shpejtë, si dhe ruajtjen e anonimatit.
Tiranë/Sot, kanë kallëzuar familjarët e një 17-vjeçari, se ai është larguar nga banesa, më datë 24.08.2026. Punohet për gjetjen e tij.
Tiranë/Informacion paraprak-Sot, në Yrshek, pranë magazinës së një subjekti, është gjetur pa shenja jete shtetasi M. H., 65 vjeç, i cili punonte si rojë i këtij subjekti.
Nga këqyrja paraprake e trupit nuk janë konstatuar shenja dhune. Paraprakisht dyshohet se ky shtetas e ka humbur jetën për shkaqe natyrale.
Grupi hetimor po kryen veprimet për sqarimin e plotë të rrethanave të rastit.