Në kuadër të bashkëpunimit të Policisë së Shtetit me institucionet shkollore dhe në zbatim të filozofisë së policimit në komunitet, mesditën e sotme, disa punonjës të Komisariatit të Policisë Rrugore të Tranës kanë vizituar vogëlushët e kopshtit IMSA – Farm Kindergarten.
Fëmijët janë surprizuar nga vizita e punonjësve të Policisë dhe janë argëtuar me makinat e tyre. Pavarësisht moshës, ata kanë bashkëbiseduar me punonjësit e Policisë, për sigurinë rrugore, dhe iu kanë drejtuar atyre pyetje të ndryshme.