DVP Korçë/Vihet në pranga 1 shtetas dhe procedohen në gjendje të lirë 3 të tjerë, për vepra të ndryshme penale.
Specialistët për Hetimin e Krimeve të Komisariatit të Policisë Korçë arrestuan në flagrancë shtetasin M. S., 19 vjeç, banues në fshatin Gjonomadh, Korçë, për veprën penale “Dhuna në familje”, pasi dyshohet se ka ushtruar dhunë ndaj babait të tij, në banesë.
Specialistët për Hetimin e Narkotikëve dhe Trafiqeve të Paligjshme të DVP Korçë referuan materialet në Prokurori dhe filloi procedimi penal në gjendje të lirë për shtetasit B. Sh., 29 vjeç dhe A. M., 27 vjeç, banues në Korçë, për veprën penale “Prodhimi dhe shitja e narkotikëve”, pasi në lagjen nr. 1, Korçë, gjatë kontrollit fizik, secilit prej këtyre shtetasve iu gjet dhe iu sekuestrua nga një sasi e vogël me lëndë të dyshuar narkotike cannabis sativa.
Specialistët e Seksionit për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi penal në gjendje të lirë për shtetasin I. H., 37 vjeç, banues në Pogradec, për veprën penale “Kanosja”, pasi ka kanosur me fjalë një shtetase, në ambientet e spitalit të Pogradecit.
Materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme.
Korçë/Informacione paraprake
Më datë 22.12.2022, rreth orës 01:50, në lagjen nr. 6, Korçë, ka rënë zjarr në automjetin tip “Seat”, në pronësi të shtetasit A. S. Nga veprimet e para hetimore dyshohet se zjarri ka rënë aksidentalisht, si pasojë e një shkëndije elektrike në sistemin elektrik të automjetit.
Gjithashtu sot rreth orës 10:43, në rrugën Korçë-Voskopojë, një automjet tip “Audi”, me drejtues shtetasin B. L., është përplasur me një motomjet tip “Lifan”, me drejtues shtetasin M. S. Si pasojë e përplasjes, është aksidentuar këmbësorja V. Xh., rreth 48 vjeçe, banuese në Korçë, e cila u dërgua në spitalin e Korçës, ku ndodhet jashtë rrezikut për jetën.
Me drejtuesit e automjeteve po kryen veprimet e mëtejshme procedurale.
Grupet hetimore po punojnë për sqarimin e rrethanave të këtyre ngjarjeve.