Drejtoria Vendore e Policisë Fier
Në vijim të informacionit paraprak të dhënë mbrëmjen e djeshme, për ngjarjen e ndodhur rreth orës 21:00, në rrugën “Ramiz Aranitasi”, Fier, ju informojmë se në vijim të veprimeve hetimore dhe procedurale të kryera nga specialistët për Hetimin e Krimeve të Rënda të DVP Fier, u arrestua në flagrancë shtetasi Xh. M., 39 vjeç, banues në Fier. Nga veprimet hetimore dyshohet se ky shtetas, pas një konflikti për motive të dobëta, ka vrarë me mjet prerës (thikë), shtetasin Xh. B., 24 vjeç. Në cilësinë e provës materiale u sekuestrua një mjet prerës (thikë) që u gjet në vendin e ngjarjes.
Policia Rrugore arrestoi shtetasin N. Q., 66 vjeç, banues në fshatin Zharrëz, pasi duke drejtuar pa leje drejtimi dhe në gjendje të dehur një motomjet pa targa, ka humbur kontrollin dhe për pasojë motomjeti ka dalë nga rruga.
Komisariati i Policisë Fier arrestoi shtetasin A. C., 54 vjeç, banues në Fier, pasi për një periudhë kohore ka përndjekur dhe kanosur një shtetase 44 vjeçe.
Materialet procedurale i kaluan Prokurorisë për veprime të mëtejshme.
Lushnjë/Informacion paraprak
Sot rreth orës 11:00, në aksin rrugor “Lushnjë-Fier”, ka ndodhur një përplasje mjetesh. Konkretisht shtetasi A. S., duke drejtuar automjetin tip “Skoda”, ka përplasur një automjet tip “Suzuki”, me drejtues shtetasin R. H.. Më pas nga përplasja është dëmtuar dhe një automjet tip “Audi”, me drejtues shtetasin S. Z..
Nga përlasja e 3 automjeteve është dëmtuar lehtë shtetasja S. B., e cila ndodhet në spital, në kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.