DVP Tiranë
Specialistët për Hetimin e Narkotikëve arrestuan në flagrancë shtetasin B.K, 19 vjeç, banues në Tiranë. Në rrugën “Dine Hoxha”, nga kontrolli fizik i ushtruar nga punonjësit e Forcës së Posaçme “Shqiponja”, këtij shtetasi iu gjet e sekuestrua lëndë e dyshuar narkotike kannabis.
Specialistët për Hetimin e Trafiqeve të Paligjshme arrestuan në flagrancë shtetasin A.L, 19 vjeç, si dhe referuan materialet për dy shtetase 24 e 19 vjeçe, pasi në rrugën “Sami Frashëri”, dyshohet se qendra e masazhit në administrim të shtetasit A.L, përdorej dhe për ushtrimin e prostitucionit.
Komisariati i Policise Nr.1, arrestoi në flagrancë shtetasit:
Xh.H, 55 vjeç, pasi në fshatin Barbas, Petrelë, tek një kapanon për prodhimin e vajit të ullirit,në pronësinë e tij, është dëmtuar shtetasi M.P, 67 vjeç, dhe për pasojë ka humbur jetën.
R.F, 48 vjeç, pasi në Selitë të Vjetër, aksidentalisht nga zjarri që kishte ndezur ky shtetas janë dëmtuar pjesërisht dy automjete të parkuara.
Komisariati i Policise Nr.5, arrestoi në flagrancë shtetasin E.Z, 36 vjeç, pasi dyshohet se ka ushtruar dhunë fizike dhe psikologjike ndaj nënës së tij.
Sektori i Qarkullimit Rrugor arrestoi në flagrancë shtetasin K.Sh, 24 vjeç, pasi në rrugën “Sulejman Delvina”, dyshohet se duke drejtuar mjetin në gjendje të dehur, ka humbur kontrollin e mjetit dhe është përplasur me një pemë dhe për pasojë ka mbetur e dëmtuar pasagjeria e mjetit I.S., i cili ndodhet në spital, nën kujdesin e mjekëve.
Materialet procedurale u referuan Prokurorisë për veprime të mëtejshme.