Vlorë/Plagosi me mjet prerës (thikë) bashkëfshatarin e tij, për motive të dobëta, vihet në pranga autori i dyshuar i ngjarjes.
Ditën e djeshme, në fshatin Mifol, shtetasi F. B., 48 vjeç, banues në fshatin Fitore, për motive të dobëta ka plagosur me mjet prerës thikë, shtetasin A. D., 55 vjeç, i cili aktualisht ndodhet në spital nën kujdesin e mjekëve.
Falë ndërhyrjes të shpejtë, shërbimet e Policisë, bënë të mundur kapjen dhe ndalimin autorit të dyshuar të plagosjes, ku në përfundim të veprimeve procedurale specialistët për Hetimin e Krimeve të Komisariatit të Policisë Vlorë arrestuan në flagrancë 48-vjeçarin për veprën penale “Plagosja e rëndë me dashje”.
Specialistët e Qarkullimit Rrugor në DVP Vlorë arrestuan në flagrancë shtetasin N. R., 33 vjeç, pasi u konstatua nga shërbimet duke drejtuar automjetin, në gjëndje të dehur.
Materialet iu referuan Prokurorisë, për veprime të mëtejshme.