Poliçan, Skrapar
Si rezultat i kontrolleve, Policia evidenton dhe godet 2 raste të tjera të nxjerrjes së kundërligjshme të gurëve dekorativë, nga mali i Tomorrit.
Procedohen penalisht administratori i një subjekti për përpunimin e këtyre gurëve, si dhe një 40-vjeçar që u kap në flagrancë duke drejtuar një kamion të ngarkuar me gurë.
Sekuestrohen kamioni dhe ngarkesa e gurëve.
Si rezultat i patrullimeve në të gjithë territorin e qarkut, për të parandaluar dhe goditur krimet kundër mjedisit, si dhe paligjshmëritë e tjera, specialistët e Seksionit për Hetimin e Krimeve në Komisariatin e Policisë Skrapar dhe Stacionit të Policisë Poliçan kanë konstatuar dhe goditur 2 raste të nxjerrjes së kundërligjshme të gurëve dekorativë, nga mali i Tomorrit. Konkretisht, u referuan materialet në Prokurori ku nisi procedimi në gjendje të lirë për shtetasit:
-N. Xh., 50 vjeç, banues në Skrapar, pasi në afërsi të subjektit për përpunimin e gurëve dekorativë që administronte ky shtetas, u gjetën gurë që dyshohet se janë nxjerrë në kundërshtim me ligjin, nga zona e mbrojtur e malit të Tomorrit;
-F. L., 40 vjeç, banues në Berat, pasi u kap në flagrancë, në vendin e quajtur “Kthesa e Prokucës”, duke drejtuar një kamion të ngarkuar me gurë dekorativë që dyshohet se janë nxjerrë në kundërshtim me ligjin, nga e njëjta zonë. Në cilësinë e provës materiale është sekuestruar kamioni i ngarkuar me gurë, që drejtonte 40-vjeçari.
Kontrollet kundër kësaj paligjshmërie, vijojnë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme, për veprat penale “Dëmtimi i habitateve në zonat e mbrojtura mjedisore” dhe “Shkatërrimi i pronës”.
![](https://ea5b6c8e-58ef-453d-ba17-23c425444998.eu-2.checkpoint.security/net/fbcdn/fna/ftia13-1/scontent/odo%23/v/t39.30808-6/399479870_721562926675722_7272400994325362742_n.jpg?odohost2=aHR0cHM6Ly9zY29udGVudC5mdGlhMTMtMS5mbmEuZmJjZG4ubmV0&odoscheme=aHR0cHM=&stp=dst-jpg_s600x600&_nc_cat=109&ccb=1-7&_nc_sid=5f2048&_nc_eui2=AeHcGXKt3FdmgCjF3u_7F7-AHy5DWkpIUdMfLkNaSkhR05cHZzWNsh2fzESG7YA4jbiL-23ocPv5Zmi_P5vXDHjM&_nc_ohc=zjOokjMtun8AX-fHzfQ&_nc_ht=scontent.ftia13-1.fna&oh=00_AfDCV9jMRZ323KPIOubByUE1gr2lYTyADSgxmJiigsfeXg&oe=654E243D)
![](https://asp.gov.al/wp-content/uploads/2023/11/image-26-1024x576.png)