Specialistët për Hetimin e Krimeve në Komisariatin e Policisë Mallakastër arrestuan në flagrancë shtetasin A. M., 33 vjeç, banues në Ballsh. Arrestimi i këtij shtetasi u bë pasi, në banesë, ka ushtruar dhunë fizike dhe psikologjike ndaj babait tij, shtetasit Y. M, 66 vjeç. Materialet i kaluan Prokurorisë pranë Gjykatës së Shkallës së Parë së Fier, për veprën penale “Dhuna në familje”.
Gjithashtu, nga specialistët për Hetimin e Krimeve në Komisariatin e Policisë Mallakastër u bë ndalimi i shtetasit R. C., 40 vjeç, banues në Mallakastër. Ndalimi i këtij shtetasi u bë pasi për një periudhe rreth 6-mujore ka përndjekur në mënyrë të vazhdueshme shtetasen O. B. Materialet i kaluan Prokurorisë pranë Gjykatës së Shkallës së Parë Fier, për veprën penale “Përndjekja”.
Lushnjë
Dhunoi fizikisht dhe psikologjikisht bashkëshorten, arrestohet në flagrancë nga Policia.
Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin S. GJ., 29 vjeç, banues në Lushnjë. Arrestimi i këtij shtetasi u bë pasi në mënyrë të vazhdueshme ka ushtruar dhunë fizike dhe psikologjike ndaj bashkëshortes së tij, shtetases N. Gj. Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Dhuna në familje”.