Vijon puna për parandalimin dhe goditjen e paligjshmërisë.
Bien në prangat e Policisë 4 shtetas, për vepra të ndryshme penale.
Nga specialistët për Hetimin e Narkotikëve në DVP Vlorë u bë arrestimi në flagrancë i shtetasit D. H., 46 vjeç, banues në Vlorë, pasi në lagjen “Bashkimi”, gjatë kontrollit personal dhe kontrollit të ushtruar në banesës e tij, shërbimet e Policisë gjetën dhe sekuestruan 10 doza me lëndë narkotike të dyshuar kokainë.
– – – –
Specialistët e Sektorit të Qarkullimit Rrugor në DVP Vlorë arrestuan në flagrancë shtetasit:
B. D., 50 vjeç, banues në Vlorë, pasi është kapur nga shërbimet e Policisë Rrugore, duke drejtuar automjetin pa leje drejtimi.
S. H., 28 vjeç, banues në Korçë, pasi duke drejtuar automjetin në gjëndje të dehur është përfshirë në një aksident me dëme materiale.
M. Z., 26 vjeç, banues në Fier, pasi duke drejtuar automjetin pa leje drejtimi është përfshirë në një aksident me dëme materiale.
Materialet i kaluan Prokurorisë, për veprime të mëtejshme procedurale.