DVP Tiranë
Seksioni për Hetimin e Narkotikëve arrestoi në flagrancë shtetasin E. Xh., 23 vjeç, banues në Tiranë, pasi gjatë kontrollit fizik iu gjet dhe sekuestrua një sasi lënde e dyshuar narkotike cannabis sativa.
Komisariati i Policisë Nr.1 arrestoi në flagrancë shtetasit:
E. B., 47 vjeç, pasi në një stacion autobuzi, i ka vjedhur celularin një shtetaseje;
D. K., 50 vjeç, pasi në Rrugën e Barrikadave, i ka vjedhur celularin një shtetasi.
Komisariati i Policisë Nr. 4 arrestoi në flagrancë shtetasin Xh. T., 19 vjeç dhe një shtetas 17 vjeç, pasi në rrugën “Myslym Keta”, gjatë një konflikti për motive të dobëta, kanë goditur me sende të forta shtetasin J. Gj., 34 vjeç, i cili ndodhet në spital, në kujdesin e mjekëve. Gjatë kontrollit në banesën e shtetasit Xh. T., u gjet dhe u sekuestrua 1 mjet prerës (thikë).
Sektori i Qarkullimit Rrugor arrestoi në flagrancë shtetasin K. P., 28 vjeç, pasi automjeti që drejtonte është përplasur me motomjetin me drejtues shtetasin S. M., i cili ndodhet në spital, në kujdesin e mjekëve.
Materialet procedurale i kaluan Prokurorisë, për veprime të mëtejshme.