Gjirokastër
-Specialistët për Hetimin e Krimeve të DVKM Gjirokastër arrestuan në flagrancë shtetasin N. K., 39 vjeç, banues në Kuçovë, pasi është kapur duke futur nëpërmjet kufirit të gjelbër bagëti të dyshuara të kontrabanduara nga Greqia.
Gjithashtu, këta specialistë referuan materialet në Prokurori ku nisi procedimi penal për shtetasin Th. L., 50 vjeç, banues në Tiranë, pasi gjatë kontrollit në çantë i janë gjetur 14 steka me cigare, të dyshuara të kontrabanduara.
-Specialistët për Hetimin e Krimeve të Komisariatit të Policisë Përmet referuan materialet në Prokurori ku nisi procedimi penal për shtetasit A. H., 36 vjeç, R. H., 33 vjeç, E. Gj., 23 vjeç dhe J. Xh., 34 vjeç, të katërt banues në Përmet, pasi kanë kundërshtuar punonjësit e Policisë, për shkak të detyrës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.