Drejtoria Vendore e Policisë Fier
Specialistët për Hetimin e Krimeve të Komisariatit të Policisë Fier arrestuan shtetasit A. B., 20 vjeç, dhe D. K., 47 vjeç, të dy banues në Vlorë, pasi janë kapur nga shërbimet e Policisë, në tentativë për të vjedhur bagëti të imëta në fshatin Levan.
Specialistët për Hetimin e Krimeve të Stacionit të Policisë Patos arrestuan shtetasin M. M., 31 vjeç, banues në Patos, pasi ka ushtruar dhunë ndaj motrës së tij.
Gjithashtu, referuan materialet në Prokurori ku nisi procedimi penal për shtetasit M. R., 31 vjeç, dhe M. Ç., 31 vjeç, pasi janë konfliktuar fizikisht me njëri-tjetrin, për motive të dobëta.
Specialistët për Hetimin e Krimeve të Komisariatit të Policisë Divjakë referuan materialet në Prokurori ku nisi procedimi penal për shtetasin F. K., 46 vjeç, banues në fshatin Spolat, pasi u kap duke prerë dru, pa leje, në pyllin e fshatit Spolat.
Materialet procedurale i kaluan Prokurorisë, për veprime të mëtejshme.