Vijojnë kontrollet në territor, si dhe puna hetimore dhe operacionale, me qëllim parandalimin dhe goditjen e paligjshmërive.
Janë finalizuar 4 operacione policore në Tiranë, Elbasan, Vlorë dhe Gjirokastër, për kapjen dhe ndalimin e shtetasve të shpallur në kërkim kombëtar dhe ndërkombëtar, goditjen e veprimtarive kriminale në fushën e shpërndarjes së lëndëve narkotike dhe transportimit të kundërligjshëm të emigrantëve.
Në fushën e narkotikëve janë evidentuar 7 raste në të gjithë territorin, me 8 autorë të proceduar në gjendje të lirë. Gjithashtu, janë sekuestruar sasi lëndësh të dyshuara narkotike, cannabis sativa dhe kokainë.
Në fushën e krimeve ndaj personit janë evidentuar 5 raste, me 6 autorë të proceduar në gjendje të lirë. Gjithashtu, janë arrestuar 3 shtetas, dy për thyerje të masës së sigurisë “Arrest në shtëpi” dhe një për përndjekje. Janë shpallur në kërkim 2 shtetas, njëri pasi nuk i është bindur urdhrit të punonjësit të Policisë dhe tjetri për braktisje të të miturve, si dhe janë proceduar penalisht 4 shtetas për mbajtje pa leje të armëve të ftohta, ngacmim seksual dhe përndjekje.
Në fushën e krimeve kundër pronës janë evidentuar 5 raste, me 3 autorë të shpallur në kërkim, ndërsa për 2 raste po punohet për identifikimin e autorit/autorëve.
Janë evidentuar 11 raste të dhunës në familje, me 3 autorë të arrestuar, 9 të proceduar në gjendje të lirë dhe 1 në kërkim. Gjithashtu, janë plotësuar 5 kërkesëpadi për lëshimin e urdhrave të mbrojtjes.
Janë evidentuar 3 raste të krimeve kundër mjedisit, me 1 autor të arrestuar dhe 2 të proceduar në gjendje të lirë.
Janë evidentuar 3 raste në fushën e krimeve ekonomiko-financiare, me 3 autorë të proceduar në gjendje të lirë. Gjithashtu, është evidentuar 1 rast në fushën e krimeve kompjuterike/kibernetike, me 1 autor të proceduar në gjendje të lirë.
Janë evidentuar 5 raste në fushën e vjedhjes, me 3 autorë të arrestuar, 2 të proceduar në gjendje të lirë dhe 1 në kërkim, ndërsa për 2 raste po punohet për identifikimin e autorit/autorëve.
Janë proceduar penalisht 22 shtetas dhe 2 të tjerë janë shpallur në kërkim, për vepra të ndryshme penale.
Janë arrestuar 7 shtetas dhe janë proceduar penalisht 4 të tjerë, pasi drejtonin automjete në gjendje të dehur ose pa leje drejtimi. Gjithashtu, janë proceduar penalisht 2 shtetas, pasi kanë shkelur rregullat e qarkullimit rrugor.
Në Vlorë, u arrestua shtetasi P. Gj., 66 vjeç, pasi dyshohet se, duke drejtuar automjetin pa leje drejtimi, i ka prerë rrugën një automjeti tjetër, duke shkaktuar një aksident me pasojë vdekjen e shtetasit Xh. Xh., 64 vjeç, dhe plagosjen e 3 personave. Gjithashtu, u procedua penalisht në gjendje të lirë shtetasi M. H., 36 vjeç, drejtuesi i automjetit tjetër të përfshirë në aksident.
Strukturat e Policisë Kufitare kanë kapur 1 shtetas në kërkim për llogari të DVP Elbasan.
—
Tiranë/ Më datë 20.11.2026, në banesën e saj në Rinas, shtetasja V. S., 59 vjeçe, dyshohet se, në gjendje të rënduar emocionale, ka konsumuar fotoksinë dhe, për pasojë, ka ndërruar jetë në spital.
Fier/ Më datë 20.11.2026, në banesën e saj në Fier, shtetasja K. B., 56 vjeçe, dyshohet se ka konsumuar disa medikamente dhe ndodhet e shtruar në spital, në kujdesin e mjekëve.
Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke u garantuar reagim profesional dhe të shpejtë, si dhe anonimitetin e tyre.
