Tiranë/Arrestohen 6 shtetas, për vepra të ndryshme penale.
Specialistët për Hetimin e Krimeve të Komisariatit të Policisë Nr. 4 arrestuan shtetasin E. T., 20 vjeç, banues në Tiranë, pasi në rrugën “Myslym Keta”, dyshohet se iu ka vjedhur dy celularë, dy shtetasve, dhe më pas është larguar me një automjet, të cilin e drejtonte pa leje drejtimi.
Shërbimet e Komisariatit të Policisë Nr. 4 kapën shtetasin në kërkim M. V., 34 vjeç, banues në Tiranë, të cilit Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Mashtrimi”.
Specialistët e Seksionit për Hetimin e Krimeve të Komisariatit të Policisë Nr. 5 arrestuan shtetasit:
– D. R., 39 vjeç, banues në Bathore, pasi dyshohet se ka ushtruar dhunë ndaj bashkëshortes së tij;
– V. D., 35 vjeç, banues në fshatin Kasallë, pasi gjatë kontrollit në automjetin që drejtonte, shërbimet e Policisë i gjetën dhe sekuestruan, në cilësinë e provës materiale, një shkop bejsbolli;
– A. R., 27 vjeç, banues në Tiranë, pasi dyshohet se ka hedhur mbetje inertesh, në rrugën Kamëz – Zall Herr.
Specialistët për Hetimin e Krimeve të Komisariatit të Policisë Nr. 7 arrestuan shtetasin A. B., 49 vjeç, banues në Vorë, pasi dyshohet se ka ka ushtruar dhunë ndaj bashkëshortes së tij.
Materialet i kaluan Prokurorisë.