Sarandë
Vodhi me dhunë një shumë parash nga automjeti i një shtetaseje, falë reagimit në kohë, Policia ka vënë në pranga 61-vjeçarin.
Policia ka ndërhyrë dhe ka arrestuar dy shtetas që prishën qetësinë publike dhe shkaktuan një konflikt të dhunshëm në ambientet e një hoteli në Sarandë.
Komisariati i Policisë Sarandë arrestoi shtetasin F. M., 61 vjeç, banues në Pogradec, pasi ditën e djeshme, në lagjen nr. 2, Sarandë, ka vjedhur me dhunë një shumë parash dhe një USB nga automjeti i një shtetaseje dhe është larguar me vrap. Falë reagimit në kohë të shërbimeve të Policisë, 61-vjeçari është identifikuar dhe arrestuar.
Po ky komisariat arrestoi shtetasit L. I., 19 vjeç, banues në Sarandë dhe shtetasin francez D. T., 19 vjeç, pasi mbrëmjen e djeshme, për motive të dobëta, në ambientet e një hoteli në lagjen nr. 2, Sarandë, janë konfliktuar fizikisht me dy shtetas të tjerë francezë, duke prishur qetësinë publike dhe duke shkaktuar dëme materiale në ambientet e hotelit.
Materialet iu referuan Prokurorisë për veprime të mëtejshme.