Drejtoria Vendore e Policisë Elbasan
Komisariati i Policisë Elbasan arrestoi në flagrancë shtetasit:
- A. Ç., 49 vjeç, banues në Elbasan, pasi ka ushtruar dhunë ndaj bashkëshortes së tij dhe vajzës së tyre 12 vjeçe. Bashkëshortja u pajis me urdhër mbrojtjeje;
- S. B., 48 vjeç, banues në Elbasan, pasi dyshohet se ka vjedhur disa produkte ushiqmore në një supermarket, në lagjen “Çlirimi”.
Sektori i Qarkullimit Rrugor
- arrestoi në flagrancë shtetasin J. L., 36 vjeç, banues në Elbasan, pasi ditën e djeshme, në bulevardin “Aqif Pasha”, motomjeti që e drejtonte në gjendje të dehur është përplasur me automjetin me drejtues shtetasin A. Sh., 63 vjeç. Nga përplasja janë shkaktuar vetëm dëme materiale;
- referoi materialet në Prokurori ku nisi procedimi penal për shtetasin R. Gj., 34 vjeç, banues në Rrogozhinë, pasi mbrëmjen e djeshme, në aksin rrugor “Elbasan-Peqin”, dyshohet se për shkak të humbjes së kontrollit mbi drejtimin e automjetit, automjeti ka dalë nga rruga. Për pasojë janë dëmtuar 2 pasagjerë që udhëtonin me të, të cilët janë jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.