HAPEN APLIKIMET PËR PRANIM NË FUNKSIONE TË VEÇANTA NË POLICINË E SHTETIT

Në mbështetje të nenit 9, pika 2, shkronjat “b” “ç”, nenit 40, të Ligjit 108/2014 “Për Policinë e Shtetit”, i ndryshuar, të neneve 149-155, të Rregullores së Policisë së Shtetit, miratuar me Vendim të Këshillit të Ministrave nr. 750, datë 16.09.2015, e ndryshuar, të urdhrit nr. 887, datë 12.06.2023 të Drejtorit të Përgjithshëm të Policisë së Shtetit, “Procedurë Standarde të Punës për pranimin e punonjësve në funksione të veçanta në Policinë e Shtetit”, në urdhrin nr. 122, datë 16.08.2023, të Ministrit të Brendshëm, “Për miratimin e funksioneve të veçanta në Policinë e Shtetit,

URDHËROJ:

Hapjen e aplikimeve për pranim në funksionet e veçanta të Policisë së Shtetit.

Aplikimet fillojnë më datë 01.09.2023 dhe përfundojnë më datë 30.09.2023.

Aplikimet dorëzohen në Drejtorinë e Burimeve Njerëzore, në Drejtorinë e Përgjithshme të Policisë së Shtetit.

Kanë të drejtë të aplikojnë për pranim në funksionet e veçanta shtetasit të cilët plotësojnë kriteret e përgjithshme dhe ato të veçanta sipas përcaktimeve të këtij urdhri.

Kritere të përgjithshme:

Të jetë shtetas shqiptar;
Të mos jetë i përjashtuar nga Policia e Shtetit, strukturat e tjera të sigurisë kombëtare, apo të jetë larguar nga shërbimi civil.”
Të ketë përfunduar arsimin e lartë përkatës;
Të ketë zotësi të plotë për të vepruar;
Të jetë në gjendje të mirë shëndetësore dhe i aftë fizikisht për të kryer detyrën;
Të zotërojë gjuhën shqipe të shkruar dhe të folur;
Të ketë përvojë pune jo më pak se 5 vjet në fushën perkatese;
Të mos jetë i dënuar me vendim gjykate, të formës së prerë, për kryerjen e një krimi apo për kryerjen e një kundërvajtjeje penale me dashje;
Të ketë dëshmi të aftësisë së drejtimit të automjetit të tipit B;
Të plotësojë kushtet për tu pajisur me certifikate të sigurimit të personelit sipas nivelit të pozicionit të punës për të cilin aplikon:

4.2 Kritere të veçanta sipas strukturave policore janë si vijon:

I. DEPARTAMENTI I POLICISË KRIMINALE

Emërtimi i pozicionit	Grada korresponduese	Nr. Vendeve
Specialist/Analist financiar, në Sektorin e Analizës Financiare dhe (ARO), në Drejtorinë për Hetimin e Krimeve Ekonomike e Financiare.	Kryekomisar	2

Të zotërojnë diplomë të nivelit “Master Shkencor” apo ” Master Profesional” në Shkencat ekonomike. Edhe diploma e nivelit “Bachelor” duhet të jetë në të njëjtën fushë;
Të njohë kërkesat ligjore e procedurale që kanë të bëjnë me parandalimin, hetimin dhe gjurmimin, si dhe kërkesat për marrjen, grumbullimin e përpunimin e informacionit.
Të ketë aftësi komunikuese dhe të punës në grup.
Të njohë mirë gjuhën angleze, njohja e gjuhëve të tjera përbën përparësi.
Të ketë njohuri në fushën e analizës financiare si dhe në fushën e veprave penale të krimit ekonomik e financiar.
Në rast të pasjes së trajnimeve/eksperiencës së punës në fushën e analizës financiare/ kontabilitetit përbën përparësi në përzgjedhje.
Të ketë njohuri mbi sistemet operative kompjuterike.
Të ketë njohuri mbi bashkëpunimin kombëtar dhe ndërkombëtar dhe menaxhimin e situatave ku kërkohet ky bashkëpunim.
Të njohë standardet ndërkombëtare të të drejtave të njeriut.
Të ketë njohuri për legjislacionin kombëtar mbi fushën e krimeve ekonomike e financiare dhe krimeve të ndërlidhura me to.
Të ketë njohuri për legjislacionin ndërkombëtar mbi fushën e krimeve ekonomike dhe krimeve të ndërlidhura me to.
Të mos ketë pengesa ligjore për t’u pajisur me certifikate sigurie personeli.

Emërtimi i pozicionit	Grada korresponduese	Nr. Vendeve
Specialist për ARO, në Sektorin e Analizës Financiare dhe (ARO), në Drejtorinë për Hetimin e Krimeve Ekonomike e Financiare	Komisar	1

Kritere të veçanta:

Të zotërojnë diplomë të nivelit “Master Shkencor” apo ” Master Profesional” në Shkencat juridike/ekonomike. Edhe diploma e nivelit “Bachelor” duhet të jetë në të njëjtën fushë
Të njohë në thellësi kërkesat ligjore e procedurale që kanë të bëjnë me parandalimin, hetimin dhe gjurmimin, si dhe kërkesat për marrjen, grumbullimin e përpunimin e informacionit.
Të ketë aftësi komunikuese dhe të punës në grup.
Të njohë mirë gjuhën angleze, njohja e gjuhëve të tjera përbën përparësi.
Të ketë njohuri në fushën e hetimit të aseteve kriminale të prejardhura nga veprimtari të jashtëligjshme si dhe në fushën e veprave penale të krimit ekonomik e financiar.
Në rast të pasjes së trajnimeve/eksperiencës së punës në fushën e analizës financiare përbën përparësi në përzgjedhje.
Të ketë njohuri mbi sistemet operative kompjuterike.
Të ketë njohuri mbi bashkëpunimin kombëtar dhe ndërkombëtar dhe menaxhimin e situatave ku kërkohet ky bashkëpunim.
Të njohë standardet ndërkombëtare të të drejtave të njeriut.
Të ketë njohuri për legjislacionin kombëtar mbi fushën e pastrimit të parave, hetimit pasuror dhe krimeve të ndërlidhura me to.
Të ketë njohuri për legjislacionin ndërkombëtar mbi fushën e pastrimit të parave, hetimit pasuror dhe krimeve të ndërlidhura me to.
Të mos ketë pengesa ligjore për t’u pajisur me certifikate sigurie personeli.

Emërtimi i pozicionit	Grada korresponduese	Nr. Vendeve
Specialist për Sistemin e Identifikimit, në Sektorin për Mbështetjen e Hetimeve, në Drejtorinë për Hetimin e Krimit të Organizuar	Nënkomisar	1

Kritere të veçanta:

Të zotërojnë diplomë të nivelit “Master Shkencor” apo ” Master Profesional” në Shkencat kompjuterike. Edhe diploma e nivelit “Bachelor” duhet të jetë në të njëjtën fushë.
Të njohë në thellësi kërkesat ligjore e procedurale që kanë të bëjnë me parandalimin, hetimin dhe gjurmimin, si dhe kërkesat për marrjen, grumbullimin e përpunimin e informacionit.
Të ketë aftësi komunikuese dhe të punës në grup.
Të njohë mirë gjuhën italiane, njohja e gjuhëve të tjera përbën përparësi.
Të ketë njohuri në fushën e krimeve kompjuterike dhe programeve kompjuterike.
Në rast të pasjes së trajnimeve / eksperiencës së punës në fushën e krimeve kompjuterikë /apo krimeve kundër personit përbën përparësi në përzgjedhje.
Të ketë njohuri mbi sistemet operative kompjuterike.
Të ketë njohuri mbi bashkëpunimin kombëtar dhe ndërkombëtar dhe menaxhimin e situatave ku kërkohet ky bashkëpunim.
Të njohë standardet ndërkombëtare të të drejtave të njeriut.
Të ketë njohuri për legjislacionin ndërkombëtar.
Të mos ketë pengesa ligjore për t’u pajisur me certifikate sigurie personeli.

Emërtimi i pozicionit	Grada korresponduese	Nr. Vendeve
Specialist analist/zhvillues aplikacioni/modelesh analitike, në Sektorin e Analizës së Informacionit, në Drejtorinë e Inteligjencës dhe Arkivës Kriminale	Kryekomisar	1

Kritere të veçanta:

Të zotërojnë diplomë të nivelit “Master Shkencor” apo ” Master Profesional” në Shkencat kompjuterike. Edhe diploma e nivelit “Bachelor” duhet të jetë në të njëjtën fushë.
Të ketë njohuri të mira për zhvillimin e aplikacioneve Web, projekteve në ASP.Net, etj.
Të ketë aftësi dhe njohuri të mira programimi në PHP / MYSQL, C++
Të ketë aftësi komunikuese dhe të punës në grup.
Të njohë mirë gjuhën angleze, njohja e gjuhëve të tjera përbën përparësi.
Të ketë njohuri mbi sistemet operative kompjuterike.
Të njohë standardet ndërkombëtare të të drejtave të njeriut.
Të mos ketë pengesa ligjore për t’u pajisur me certifikate sigurie personeli.

Emërtimi i pozicionit	Grada korresponduese	Nr. Vendeve
Specialist analist/për Burimet e Hapura, në Sektorin e Analizës së Informacionit, në Drejtorinë e Inteligjencës dhe Arkivës Kriminale	Komisar	2

Kritere të veçanta:

Të zotërojnë diplomë të nivelit “Master Shkencor” apo ” Master Profesional” në Shkencat ekonomike ose kompjuterike. Edhe diploma e nivelit “Bachelor” duhet të jetë në të njëjtën fushë.
Të kenë njohuri dhe aftësi për gjurmimin e të dhënave në burimet e hapura dhe rrjetet sociale, përparësi të trajnuarit për OSINT (Open Source Inteligence)
Të ketë aftësi në analizimin e të dhënave të vendndodhjeve (GPRS / IP ADRESS, etj.)
Të ketë eksperiencë punë në strukturat analitike në institucionet e zbatimit të ligjit
Të ketë aftësi komunikuese dhe të punës në grup.
Të njohë mirë gjuhën angleze, njohja e gjuhëve të tjera përbën përparësi.
Të ketë njohuri mbi programet baze kompjuterike dhe veçanërisht MS Excel.
Të njohë standardet ndërkombëtare të të drejtave të njeriut.
Të mos ketë pengesa ligjore për t’u pajisur me certifikate sigurie personeli.

Emërtimi i pozicionit	Grada korresponduese	Nr. Vendeve
Specialist i Cilësisë së Informacionit, në Sektorin e Cilësisë së Informacionit Policor, në Drejtorinë e Inteligjencës dhe Arkivës Kriminale	Kryekomisar	1

Kritere të veçanta:

Të zotërojnë diplomë të nivelit “Master Shkencor” apo ” Master Profesional” në Shkencat kompjuterike. Edhe diploma e nivelit “Bachelor” duhet të jetë në të njëjtën fushë.
Të ketë njohuri të mira për menaxhimin e bazave të të dhënave.
Të ketë njohuri më Macromedia, PHP, MYSQL – Ëeb Development
Të ketë njohuri për zhvillimin e aplikacioneve Ëeb, projekteve në ASP.Net, etj.
Të ketë njohuri në zhvillimin e programeve (softëare)
Të njohë mirë gjuhën angleze
Të ketë njohuri mbi sistemet operative kompjuterike.
Të njohë standardet ndërkombëtare të të drejtave të njeriut.
Të mos ketë pengesa ligjore për t’u pajisur me certifikate sigurie personeli.

Emërtimi i pozicionit	Grada korresponduese	Nr. Vendeve
Specialist, në Sektorin e Përgjimit Ambiental, në Drejtorinë e Forcës së Posaçme Operacionale	Kryekomisar	1

Kritere të veçanta;

Të zotërojnë diplomë të nivelit “Master Shkencor” apo ” Master Profesional” në programet e studimit Elektronikë, Elektroteknikë (megatronikë), Informatikë ose Inxhinieri mekanike. Edhe diploma e nivelit “Bachelor” duhet të jetë në të njëjtën fushë.
Të ketë njohuri të gjuhës angleze (folur dhe shkruar).
Të ketë dëshmi aftësimi për drejtimin e automjetit (patentë klasa “B”).
Të jetë i gatshëm për t’ju përgjigjur në ç’do kohë (përfshi ditët e pushimit) kryerjes së detyrave operacionale që ndjekin strukturat operacionale në Policinë e Shtetit.
Mosha e kandidatit “jo më shumë se 30 vjeç”.
Zotërimi nga kandidati i “certifikatave” të përfituara nga trajnime në fushat e sipër përmendura , si dhe eksperiencë pune në këto profile përbëjnë avantazh në përzgjedhje.

II. DREJTORIA E MARRËDHËNIEVE ME PUBLIKUN DHE MEDIAN

Emërtimi i pozicionit	Grada korresponduese	Nr. Vendeve
Drejtor, në Drejtorinë e Marrëdhënieve me Publikun dhe Median	Drejtues i Pare	1

Kërkesa te veçanta:

Të zotërojnë diplomë të nivelit “Master Shkencor” apo ” Master Profesional” në programet e studimit në shkencat juridike, shkencat shoqërore ose shkencat e komunikimit. Edhe diploma e nivelit “Bachelor” duhet të jetë në të njëjtën fushë.
të ketë përvojë pune jo më pak se 5 vjet në fushën jurisprudencës ose marrëdhënieve me publikun.
Të ketë kurse apo trajnime ne fushën e mediave;
Të gëzojë integritet dhe të ketë eksperience në funksione drejtuese;
Të jetë njohës shume i mire i kuadrit ligjor qe normon punën e Policisë së Shtetit, organit procedues dhe atyre gjyqësore
Të ketë aftësi të spikatura në shkrim dhe arsyetim ligjor

III. DEPARTAMENTI PËR SHËRBIMET MBËSHTETËSE

Emërtimi i pozicionit	Grada korresponduese	Nr. Vendeve
Shef Sektori, në Sektorin e Armatimit dhe Pajisjeve Speciale, në Drejtorinë e Mbështetjes Logjistike	Drejtues	1

Kritere të veçanta:

Të jetë i diplomuar në Akademinë e Forcave Tokësore, Specialiteti Armatim – Municion.
Të ketë eksperiencë pune mbi 10 vjet në menaxhimin e aktiveve të shërbimit të armatimit dhe mbi 5 vjet në Policinë e Shtetit në këtë shërbim.
Të këtë aftësi profesionale të fokusuara në procesin e planifikimit të nevojave për aktive në përgjithësi dhe atyre të shërbimit dhe armatimit dhe pajisjeve speciale në veçanti.
Të zotërojë njohuri të plota teknike e profesionale në njohjen e armëve, municioneve dhe mjeteve të përdorimit të forcës.
Kualifikimet në fushën e menaxhimit të aktiveve e në mënyrë të veçantë, të aktiveve të shërbimit të armatimit përbëjnë avantazh.
Të zotërojë aftësi bashkëpunimi e drejtimi, aftësi komunikimi e organizimi në punë dhe aftësi për procedurat, programet dhe tendencat e zhvillimit të organizatës së policisë.

Emërtimi i pozicionit	Grada korresponduese	Nr. Vendeve
Shef Sektori, në Planifikimit dhe Monitorimit të Buxhetit, në Drejtorinë e Mbështetjes Logjistike	Drejtues	1

Kritere të veçanta:

Të zotërojnë diplomë të nivelit “Master Shkencor” në shkencat ekonomike. Edhe diploma e nivelit “Bachelor” duhet të jetë në të njëjtën fushë.
Të ketë shërbyer në strukturat e buxhet financës apo struktura të tjera operuese të administrimit dhe përdorimit të burimeve financiare e materiale jo me pak së 5 vite;
Të ketë njohuri të përgjithshme të programeve bazë në përdorimin e kompjuterit Excel; Ëord dhe programe të tjera financiare si dhe AFMIS.
Të ketë njohuri dhe aftësi drejtuese për punën në grup dhe për procedurat, programet dhe tendencat e zhvillimit të organizatës së policisë, për standardet e zbatimit dhe monitorimit të buxhetit dhe menaxhimit të aktiveve.

IV. DEPARTAMENTI PËR SIGURINË PUBLIKE

Emërtimi i pozicionit	Grada korresponduese	Nr. Vendeve
Specialist Mjek, Trupe Operacionale, në Njësinë e Ndërhyrjes së Shpejte Fier.	Kryekomisar	1

Kritere të veçanta:

Të ketë mbaruar arsimin e lartë Mjekësi, brenda ose jashtë vendit diplomë e njohur nga MASH.
Të jetë i pajisur me licencën përkatëse të profesionit, ose të jetë në proces për t’u pajisur me ketë licencë.

Emërtimi i pozicionit	Grada korresponduese	Nr. Vendeve
Specialist, në Sektorin e Sigurise Rrugore, në Drejtorinë e Policisë Rrugore.	Kryekomisar	1

Kritere të veçanta:

Të ketë përfunduar ciklin e parë të studimeve “Bachelor”, në Fakultetin e Inxhinierisë së Ndërtimit.

V. DEPARTAMENTI PËR TEKNOLOGJINË E INFORMACIONIT

Emërtimi i pozicionit	Grada korresponduese	Nr. Vendeve
Asistent, në Departamentin për Teknologjinë e Informacionit.	Drejtues	1

Kritere të veçanta:

Të ketë përfunduar ciklin e dytë të studimeve “Master Shkencor”, në Shkencat Kompjuterike ose në Shkenca të Komunikimit.
Të jetë i pajisur me certifikatë sigurie nga Autoritetit Kombëtar të Sigurimit të Informacionit të Klasifikuar (AKSIK ) për njohje të informacionit të nivelit “Tepër sekret”
Të ketë aftësi për të menaxhuar ndryshimin dhe zhvillimin e organizatës;
Të ketë aftësi për të menaxhuar burimet njerëzore dhe materiale;
Të ketë njohuri të mira pune për drejtimet aktuale dhe zhvillimet në polici;
Të ketë aftësi komunikuese dhe të punës në grup;
Të njohë parimet e mbikëqyrjes, trajnimit dhe vlerësimit të performancës;
Të njohë standardet ndërkombëtare të të drejtave të njeriut;
Preferohet të njohë gjuhën angleze.

VI. DREJTORIA E BURIMEVE NJERËZORE

Emërtimi i pozicionit	Grada korresponduese	Nr. Vendeve
Specialist, organizimi dhe trajtimi financiar, në Sektorin e Organizimit, Pagave dhe Pensioneve, në Drejtorinë e Burimeve Njerëzore.	Kryekomisar	1

Kritere të veçanta:

Të ketë njohuri shumë të mira të specialiteteve brenda fushës të burimeve njerëzore dhe në veçanti përgatitje të lartë profesionale lidhur me fushën e organizimit strukturor dhe të trajtimeve financiare gjatë qëndrimit në punë dhe pas ndërprerjes së marrëdhënieve të punës, të punonjësve në Policinë e Shtetit, si dhe njohuri specifike në fushën ekonomiko-financiare.
Aftësi për të shkëmbyer ide dhe mendime teknike dhe për të argumentuar propozimet përkatëse, aftësi shumë të mira komunikimi dhe prezantimi.
Të ketë përfunduar ciklin e dytë të studimevetë arsimin e lartë në Shkenca Ekonomike dhe diploma Bachelor në Shkencat Ekonomike ose juridike.
Të ketë përvojë pune mbi 3 vjet në fushën e shërbimeve ekonomiko financiare.

VII. INSTITUTI I POLICISË SHKENCORE

Emërtimi i pozicionit	Grada korresponduese	Nr. Vendeve
Shef Sektori, në Sektorin e Biologjisë, në Institutin e Policisë Shkencore.	Drejtues	1

Kritere të veçanta:

të kenë arsimin e lartë Diplomë “Master Shkencor”, në shkencat e biologjisë, bioteknologjisë, bioinformatikë, gjenetikë, biokimi.
Njohuri dhe aftësi të mira në lidhje me teknika dhe metodika që zbatohen në fushën e kryerjes së ekspertimeve biologjike;
Njohuri mbi procedurat standarde të punës në fushën e ekzaminimeve biologjike dhe akteve ligjore dhe nënligjore që rregullojnë veprimtarinë e policisë shkencore në përgjithësi dhe ekspertimit kriminalistik në veçanti;
Aftësi për të identifikuar dhe vlerësuar nevojat për ndryshim dhe përmirësim të metodikave bashkëkohore që zbatohen në fushën e kryerjes së ekspertimeve biologjike dhe analizën e ADN-së, për të gjitha provat me natyrë biologjike;
Aftësi për të punuar në grup, lidhur me përgatitjen e produkteve së ekspertimeve biologjike dhe analizës së ADN-së;
Aftësi për të prezantuar qartë profesionalisht produktet dhe idetë e tij profesionale;
Të jetë i certifikuar në fushën e ekspertimeve biologjike ligjore, si edhe trajnime në fushën e këqyrjes së vendit të ngjarjes dhe ekspertimeve kriminalistike.
Të ketë të paktën 5 vite përvojë pune profesionale ku përfshihen aspekte të ndryshme.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.
Të ketë njohuri ne lidhje me aktet ligjore dhe nën ligjore që normojnë punën e Policisë së Shtetit
Të ketë njohuri të përgjithshme rreth objektit të punës të IPSH dhe të shërbimit të Policisë Shkencore.
Të ketë aftësi të punës në grup dhe aftësi shumë të mira komunikimi dhe prezantimi.

Emërtimi i pozicionit	Grada korresponduese	Nr. Vendeve
Specialist Ekspert, në Sektorin e Biologjisë, në Institutin e Policisë Shkencore.	Kryekomisar	7

Kritere të veçanta:

të kenë arsimin e lartë Diplomë “Master Shkencor”, në shkencat e biologjisë, bioteknologjisë, bioinformatikë, gjenetikë, biokimi.
Njohuri dhe aftësi të mira në lidhje me teknika dhe metodika që zbatohen në fushën e

kryerjes së ekspertimeve biologjike;

Njohuri mbi procedurat standarde të punës në fushën e ekzaminimeve biologjike dhe

akteve ligjore dhe nënligjore që rregullojnë veprimtarinë e policisë shkencore në përgjithësi dhe ekspertimit kriminalistik në veçanti;

Aftësi për të identifikuar dhe vlerësuar nevojat për ndryshim dhe përmirësim të

metodikave bashkëkohore që zbatohen në fushën e kryerjes së ekspertimeve biologjike

dhe analizën e ADN-së, për të gjitha provat me natyrë biologjike;

Aftësi për të prezantuar qartë profesionalisht produktet dhe idetë e tij profesionale;
Të jetë i certifikuar në fushën e ekspertimeve biologjike ligjore.
Të ketë të paktën 5 vite përvojë pune profesionale ku përfshihen aspekte të ndryshme.
Të kenë njohuri të gjuhës angleze (kjo e vërtetuar me diplomë), por edhe aftësi për

komunikim të rrjedhshëm në këtë gjuhë.

Të ketë njohuri ne lidhje me aktet ligjore dhe nën ligjore që normojnë punën e Policisë së

Shtetit

Të ketë njohuri të përgjithshme rreth objektit të punës të IPSH dhe të shërbimit të

Policisë Shkencore.

Të ketë aftësi të punës në grup dhe aftësi shumë të mira komunikimi dhe prezantimi.

Emërtimi i pozicionit	Grada korresponduese	Nr. Vendeve
Shef Sektori, në Sektorin e Ekzaminimeve Kimike, në Institutin e Policisë Shkencore.	Drejtues	1

Kritere të veçanta:

Të zotërojnë diplomë të nivelit “Master Shkencor” apo ” Master Profesional” në fushën e shkencave të natyrës, në programet e studimit Kimi ose Biokimi. Edhe diploma e nivelit “Bachelor” duhet të jetë në të njëjtën fushë.
Të ketë njohuri shumë të mira pune për procedurat shkencore kriminalistike, teknikat dhe metodikat shkencore kriminalistike që zbatohen në kryerjen e akteve të ekspertimeve kimike;
Të ketë njohuri dhe aftësi të mira pune, lidhur me parimet e mbikëqyrjes dhe vlerësimit të performancës së specialistëve që ka në vartësi;
Të jetë i certifikuar në fushën e ekspertimeve Kimi Ligjore, në fushën e këqyrjes se vendit te ngjarjes,
Të ketë të paktën 5 vite përvojë pune profesionale ku përfshihen aspekte të ndryshme.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.
Të ketë njohuri ne lidhje me aktet ligjore dhe nën ligjore që normojnë punën e Policisë së Shtetit
Të ketë njohuri të përgjithshme rreth objektit të punës të IPSH dhe të shërbimit të Policisë Shkencore.
Të ketë aftësi të punës në grup dhe aftësi shumë të mira komunikimi dhe prezantimi.

Emërtimi i pozicionit	Grada korresponduese	Nr. Vendeve
Specialist Ekspert, në Sektorin e Ekzaminimeve Kimike, në Institutin e Policisë Shkencore.	Kryekomisar	4

Kritere të veçanta:

Të ketë Arsimin e Lartë 5 vjeçar, Diplomë “DND” ose “Master Shkencor”, të degës së Fakultetit të Shkencave të Natyrës -Kimi ose Biokimi.
Të ketë njohuri të mira pune për procedurat shkencore kriminalistike, teknikat dhe metodikat shkencore kriminalistike që zbatohen në kryerjen e akteve të ekspertimeve kimike;
Të jetë i certifikuar në fushën e ekspertimeve Kimi Ligjore, në fushën e këqyrjes se vendit te ngjarjes,
Të ketë të paktën 5 vite përvojë pune profesionale ku përfshihen aspekte të ndryshme.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.
Të ketë njohuri ne lidhje me aktet ligjore dhe nën ligjore që normojnë punën e Policisë së Shtetit
Të ketë njohuri të përgjithshme rreth objektit të punës të IPSH dhe të shërbimit të Policisë Shkencore.
Të ketë aftësi të punës në grup dhe aftësi shumë të mira komunikimi dhe prezantimi.

Emërtimi i pozicionit	Grada korresponduese	Nr. Vendeve
Shef Sektori, në Sektorin e Ekzaminimeve Kompjuterike, në Institutin e Policisë Shkencore.	Drejtues	1

Kritere të veçanta:

Shef Sektori dhe specialisti që do të rekrutohet duhet të ketë arsimin e lartë dhe diplomë “Master”, në shkencat Informatikë, Teknologji Informacioni, Elektronikë, në fusha të ngjashme etj.
Njohuri dhe aftësi të mira kompjuterike të demonstruara si dhe në lidhje me teknikat dhe metodikat që zbatohen në fushën e kryerjes së ekspertimeve kompjuterike.
Njohuri mbi procedurat standarde të punës në fushën e ekzaminimeve kompjuterike dhe akteve ligjore dhe nënligjore që rregullojnë veprimtarinë e Institutit të Policisë Shkencore në përgjithësi dhe ekspertimit kriminalistik në veçanti;
Aftësi për të identifikuar dhe vlerësuar nevojat për ndryshim dhe përmirësim të metodikave që zbatohen në fushën e kryerjes së ekspertimeve kompjuterike.
Aftësi për të punuar në grup lidhur me përgatitjen e produkteve të ekspertimeve kompjuterike.
Aftësi për të prezantuar qartë e profesionalisht produktet dhe idetë e tij profesionale.
Të jetë i specializuar në fushën e ekspertimit kompjuterik si dhe të jetë i licencuar nga kompanitë prodhuese të programeve dhe pajisjeve ekzaminuese që përdor sektori për kryerjen e ekspertimeve kompjuterike.
Të ketë të paktën 5 vite përvojë pune profesionale ku përfshihen aspekte të ndryshme.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.
Të ketë njohuri në lidhje me aktet ligjore dhe nën ligjore që normojnë punën e Policisë së Shtetit.
Të ketë njohuri të përgjithshme rreth objektit të punës të IPSH dhe të shërbimit të Policisë Shkencore.
Të ketë aftësi të punës në grup dhe aftësi shumë të mira komunikimi dhe prezantimi.

Emërtimi i pozicionit	Grada korresponduese	Nr. Vendeve
Specialist Kriminalist, në Sektorin e Ekzaminimeve Kompjuterike, në Institutin e Policisë Shkencore.	Kryekomisar	5

Kritere të veçanta:

Specialisti që do të rekrutohet duhet të ketë arsimin e lartë dhe diplomë “Master”, në shkencat Informatikë, Teknologji Informacioni, Elektronikë, në fusha të ngjashme etj.
Njohuri dhe aftësi të mira kompjuterike të demonstruara si dhe në lidhje me teknikat dhe metodikat që zbatohen në fushën e kryerjes së ekspertimeve kompjuterike;
Njohuri mbi procedurat standarde të punës në fushën e ekzaminimeve kompjuterike dhe akteve ligjore dhe nënligjore që rregullojnë veprimtarinë e Institutit të Policisë Shkencore në përgjithësi dhe ekspertimit kriminalistik në veçanti;
Aftësi për të identifikuar dhe vlerësuar nevojat për ndryshim dhe përmirësim të metodikave që zbatohen në fushën e kryerjes së ekspertimeve kompjuterike;
Aftësi për të prezantuar qartë e profesionalisht produktet dhe idetë e tij profesionale;
Të jetë i specializuar në fushën e ekspertimit kompjuterik si dhe të jetë i licencuar nga kompanitë prodhuese të programeve dhe pajisjeve ekzaminuese kompjuterike.
Të ketë të paktën 5 vite përvojë pune profesionale ku përfshihen aspekte të ndryshme.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.
Të ketë njohuri në lidhje me aktet ligjore dhe nën ligjore që normojnë punën e Policisë së Shtetit;
Të ketë njohuri të përgjithshme rreth objektit të punës të IPSH dhe të shërbimit të Policisë Shkencore.
Të ketë aftësi të punës në grup dhe aftësi shumë të mira komunikimi dhe prezantimi.

Emërtimi i pozicionit	Grada korresponduese	Nr. Vendeve
Shef Sektori ai dhe Specialist, në Sektori i identifikimit Biometrik / zërit /pamjes /qendra e kompetencës, në Institutin e Policisë Shkencore.	Drejtues	1

Kritere të veçanta:

Diplomë Master në Shkenca Kompjuterike, Ekonomike – Informatike ose në fusha të ngjashme, etj.
Të ketë njohuri dhe aftësi të mira pune lidhur me parimet e mbikëqyrjes, vlerësimit të performancës për specialistët e sektorit që ka në vartësi, metodikave të ekzaminimeve të zërit human dhe identifikimin e personit me anën e fotografisë.
Të ketë aftësi të përcaktojë plane e objektiva për strategjinë e ekspertimeve audio-video si dhe për të vendosur prioritetet e duhura.
Të ketë të paktën 5 vite përvojë pune profesionale ku përfshihen aspekte të ndryshme.
Të ketë njohuri ne lidhje me aktet ligjore dhe nën ligjore që normojnë punën e Policisë së Shtetit;
Të ketë njohuri të përgjithshme rreth objektit të punës të IPSH dhe të shërbimit të Policisë Shkencore.
Të ketë aftësi të punës në grup dhe aftësi shumë të mira komunikimi dhe prezantimi.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.

Emërtimi i pozicionit	Grada korresponduese	Nr. Vendeve
Specialist kriminalist për ekzaminimin e zërit dhe pamjes së jashtme, në Sektorin e identifikimit Biometrik / zërit /pamjes /qendra e kompetencës, në Institutin e Policisë Shkencore.	Kryekomisar	2

Specialist për ekzaminimin e zërit dhe pamjes së jashtme, duhet të plotësoj kriteret e më poshtme:

Diplomë Master në Shkenca Kompjuterike, Ekonomike-Informatike ose në fusha të ngjashme, etj.
Të ketë njohuri dhe aftësi të mira pune lidhur me metodikat e ekzaminimeve të zërit human dhe identifikimin e personit me anën e fotografisë.
Të ketë aftësi të përcaktojë plane e objektiva për strategjinë e ekspertimeve audio-video si dhe për të vendosur prioritetet e duhura.
Të ketë të paktën 5 vite përvojë pune profesionale ku përfshihen aspekte të ndryshme.
Të ketë njohuri ne lidhje me aktet ligjore dhe nën ligjore që normojnë punën e Policisë së Shtetit.
Të ketë njohuri të përgjithshme rreth objektit të punës të IPSH dhe të shërbimit të Policisë Shkencore.
Të ketë aftësi të punës në grup dhe aftësi shumë të mira komunikimi dhe prezantimi.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.

Emërtimi i pozicionit	Grada korresponduese	Nr. Vendeve
Specialist për identifikimin e dokumenteve të udhëtimit, në Sektorin e identifikimit Biometrik / zërit /pamjes /qendra e kompetencës, në Institutin e Policisë Shkencore.	Nënkomisar	3

Diplomë Master në Shkenca/Profesionale ne fushën Kompjuterike, Informatike ose në fusha të ngjashme.
Të jetë i certifikuar si Ekspert Kriminalist në fushën e ekzaminimeve të dokumenteve të udhëtimit.
Të ketë njohuri dhe aftësi të mira në lidhje me teknikat dhe metodikat shkencore kriminalistike që zbatohen në fushën e kryerjes së ekspertimeve teknike të dokumenteve të udhëtimit.
Të ketë njohuri mbi procedurat standarde të punës në fushën e ekzaminimeve teknike të dokumenteve të udhëtimit dhe akteve ligjore dhe nënligjore që rregullojnë veprimtarinë e ekspertimit kriminalistik në veçanti.
Aftësi për të identifikuar dhe vlerësuar nevojat për ndryshim dhe përmirësim të metodikave kriminalistike që zbatohen në kryerjen e ekspertimeve teknike të dokumenteve të udhëtimit.
Aftësi për të punuar në grup lidhur me përgatitjen e produkteve të ekspertimeve teknike të dokumenteve të udhëtimit.
Aftësi për të prezantuar qartë dhe profesionalisht produktet dhe idetë e tij profesionale.

Emërtimi i pozicionit	Grada korresponduese	Nr. Vendeve
Specialist, në Sektorin e menaxhimit të cilësisë, koordinimit dhe akreditimit, në Institutin e Policisë Shkencore.	Kryekomisar	1

Të ketë Diplomë Master në Shkenca Natyrore, Shoqërore, Ekonomike ose Informatike.
Të jetë i specializuar/trajnuar në fushën e menaxhimit shkencor të cilësisë, sipas standardit ISO/IEC 9001, 17025.
Të ketë eksperiencë pune mbi 5 vjet.
Të ketë njohuri dhe aftësi të mira pune në drejtim të ndjekjes dhe zbatimit të procedurave standarde të punës, mjeteve tekniko – kriminalistike, teknikave dhe metodikave shkencore kriminalistike që aplikohen në kryerjen e akteve të ekspertimit, sipas standardit ISO/IEC 17025.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.

VIII. DREJTORIA VENDORE E POLICISË TIRANË

Emërtimi i pozicionit	Grada korresponduese	Nr. Vendeve
Shef Seksioni ai dhe Specialist, në Seksionin për Ekzaminimet Kompjuterike, në Sektorin e Policisë Shkencore, në DVP Tiranë	Kryekomisar	1

Kritere të veçanta:

Të zotërojnë diplomë të nivelit “Master Shkencor” apo ” Master Profesional” në fushën e shkencave kompjuterike. Edhe diploma e nivelit “Baclelor” duhet të jete në të njëjtën fushe.
Njohuri dhe aftësi shumë të mira kompjuterike.
Aftësi për të identifikuar dhe vlerësuar nevojat për ndryshim dhe përmirësim të metodikave që zbatohen në fushën e kryerjes së ekspertimeve kompjuterike;
Aftësi për të prezantuar qartë e profesionalisht produktet dhe idetë e tij profesionale;
Të ketë të paktën 5 vite përvojë pune profesionale ku përfshihen aspekte të ndryshme.
Të kenë njohuri të gjuhës angleze (kjo e vërtetuar me diplomë), por edhe aftësi për komunikim të rrjedhshëm në këtë gjuhë.
Të ketë njohuri ne lidhje me aktet ligjore dhe nën ligjore që normojnë punën e Policisë së Shtetit;
Të ketë aftësi të punës në grup dhe aftësi shumë të mira komunikimi dhe prezantimi.
Të ketë njohuri të përgjithshme rreth objektit të punës te Sektorit të Policisë Shkencore

Shtetasit të cilët shprehin vullnetin për të aplikuar për funksionet e veçanta të përcaktuara në këtë urdhër, brenda datë 30.09.2023 duhet të dorëzojnë pranë Drejtorisë së Burimeve Njerëzore, në Drejtorine e Pergjitshme të Policisë së Shtetitdokumentacionin e mëposhtëm:

Formularin e aplikimit tip (bashkëlidhur këtij urdhri);
Fotokopje të kartës së identitetit;
Dokument zyrtar që vërteton përfundimin e arsimit, trajnimeve përkatëse;
Fotokopje të dëshmisë së aftësisë së drejtimit të automjetit të tipit “B”;
Certifikatë e gjendjes gjyqësore;
Certifikatë familjare;
Vërtetim nga gjykata;
Vërtetim nga prokuroria;
Raport mjeko-ligjor;
Fotokopje e librezës së punës;
Dokument të lëshuar nga institucionet shëndetësore që vërteton se nuk është përdorues i lëndëve narkotike.

Verifikimi i dokumentacionit behet nga sekretaria teknike e përbërë nga punonjësit:

Komisar Valbona Çaushi
Komisar Gentjana Jenishaj

Në përfundim të procesit të verifikimit, Sekretaria teknike përgatit listën e aplikantëve të cilët plotësojnë kriteret e përgjithshme dhe të veçanta të parashikuara në këtë urdhër.

Aplikanti që pas verifikimit rezulton se plotëson kriteret e përcaktuara për t’u pranuar në funksione të veçanta, i nënshtrohet fazave të vlerësimit si më poshtë:

a) jetëshkrimit të kandidatit (vlerësohet me 10 pikë);

Vlerësimi i arsimimit dhe trajnimeve të lidhura me veprimtarinë në fushën e njohurive dhe eksperiencën në fushën e menaxhimit e kontrollit të problemeve ekonomike në strukturat e rendit e sigurisë publike si dhe referencat e punëdhënësve të mëparshëm (vlerësohet me 10 pikë);

b) testimi me shkrim (vlerësohet me 60 pikë);

Kontrollin e njohurive të aplikantit në test me shkrim (vlerësohet me 60 pikë). Aplikanti që nuk arrin të marrë 40 pikë në testin me shkrim nuk i nënshtrohet vlerësimit në intervistën me gojë dhe ndërpret procesin e vlerësimit;

c) intervista me gojë (vlerësohet me 30 pikë).

Vlerësimi i njohurive dhe aftësive komunikuese, eksperiencë pune në lidhje me menaxhimin e kontrollit të problemeve ekonomike në strukturat e Policisë së Shtetit, si dhe motivimin personal (vlerësohet me 30 pikë).

Vlerësimi i aplikantëve behet nga Komisioni i Vlerësimit i cili përbëhet nga:

Drejtori i Burimeve Njerëzore
1. Drejtori i Drejtorisë sipas fushës ku është funksioni për konkurrim
1. Drejtori i Drejtorisë Juridike

Aplikanti që nuk arrin të marrë të paktën 40 pikë në testin me shkrim, nuk i nënshtrohet vlerësimit në intervistën me gojë dhe ndërpret procesin e vlerësimit.

Në qoftë se asnjë kandidat nuk merr 60% të pikëve, Komisioni i Vlerësimit vendos përfundimin e konkurrimit pa asnjë fitues të përzgjedhur.

Pyetjet e testit me shkrim dhe intervistës me goje hartohen nga Komisione të ngritura me urdhër të Drejtorit të Përgjithshëm të Policisë së Shtetit.

Koha dhe vendi i zhvillimit të testimit i njoftohen aplikantëve jo me vone së 2 dite para datës së zhvillimit të testimit nga Drejtoria e Burimeve Njerezore.

Në përfundim të secilës fazë të testimit/vlerësimit Komisioni harton procesverbalin mbi rezultatet e arritura nga secili aplikant dhe në përfundim te tyre harton listën e aplikantëve sipas rezultateve të arritura në rend zbritës të ndare sipas pozicioneve për të cilat është zhvilluar konkurrimi.

Aplikantët kane të drejtën e ankimimit pranë Komisionit të Ankimimit i cili përbëhet nga:

Zëvendësdrejtori i Përgjithshëm i Policisë së Shtetit
Drejtori i Departamentit ku është funksioni për të cilin është bere konkurrimi
Drejtori i Standardeve Profesionale

Me zbatimin e këtij urdhri ngarkohet Drejtoria e Burimeve Njerëzore, Departamenti i Policisë Kriminale, Departamenti i Sherbimeve Mbeshtetese, Departamenti për Sigurine Publike, Departamenti për Kufirin dhe Migracionin, Departamenti për Teknologjine e Informacionit, Drejtoria për Marrëdhëniet me Publikun dhe Median, në Drejtorinë e Përgjithshme të Policisë së Shtetit, Instituti i Policisë Shkencore si dhe Drejtoria Vendore e Policisë Tiranë.

Drejtoria për Marrëdhëniet me Publikun dhe Median, në Drejtorinë e Përgjithshme të Policisë së Shtetit, të bëjë publikimin në faqen zyrtare të Policisë së Shtetit brenda datës 01.09.2023.

Për kontrollin e zbatimit të këtij urdhri, ngarkohet Zëvendësdrejtori i Përgjithshëm i Policisë së Shtetit.

Shkarkoni formularin e aplikimit ne linkun me poshte:

https://wetransfer.com/downloads/c0cc3fd21a475006a7999a284ab6b34120230908085845/2e7e7099db9f03394d16092a9c75861820230908085900/7896de?trk=TRN_TDL_01&utm_campaign=TRN_TDL_01&utm_medium=email&utm_source=sendgrid