Tiranë/Arrestohen 5 shtetas, për vepra të ndryshme penale.
Specialistët e Sektorit për Hetimin e Narkotikëve arrestuan shtetasin A. Z., 27 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan sasi lënde të dyshuar narkotike kanabis.
Specialistët e Seksionit për Hetimin e Krimeve në Komisariatin e Policisë Nr. 1 arrestuan shtetasin K. K., 21 vjeç, si dhe nisi procedimi në gjendje të lirë për vëllanë e tij 15 vjeç, pasi dyshohet se kanë përndjekur dhe goditur me sende të forta dy shtetas 12 vjeç.
Specialistët për Hetimin e Krimeve në Komisariatin e Policisë Nr. 5 arrestuan shtetasin F. G., 35 vjeç, banues në Bathore, për veprën penale “Dhuna në familje”.
Specialistët e Komisariatit të Policisë Rrugore Tiranë arrestuan shtetasit:
– H. Y., 46 vjeç, banues në Tiranë, pasi u kap duke drejtuar automjetin, pa leje drejtimi;
– K. H., 30 vjeç, banues në Pogradec, pasi duke drejtuar automjetin, në gjendje të dehur, ka goditur një automjet. Si pasojë janë shkaktuar vetëm dëme materiale.
Materialet i kaluan Prokurorisë.