Tiranë/Arrestohen 3 shtetas, për vepra të ndryshme penale.
Specialistët e Seksionit për Hetimin e Ndërhyrjeve Kibernetike arrestuan shtetasin H. K., 29 vjeç, banues në Tiranë, pasi është kapur në flagrancë, duke organizuar lotari të palejuara (baste sportive).
Specialistët e Seksionit për Hetimin e Krimeve në Komisariatin e Policisë Nr. 4 arrestuan shtetasin O. K., 41 vjeç, banues në Tiranë, pasi dyshohet se ka ushtruar dhunë ndaj bashkëshortes së tij.
Specialistët e Komisariatit të Policisë Rrugore Tiranë arrestuan shtetasen M. L., 21 vjeçe, banuese në Tiranë, pasi në rrugën “Don Bosko”, duke drejtuar motomjetin ka aksidentuar këmbësorin, shtetasin M. H., 57 vjeç, banues në Tiranë. Si pasojë 57-vjeçari është dëmtuar dhe ndodhet në spital, në kujdesin e mjekëve.
Specialistët e Seksionit për Hetimin e Krimeve në Komisariatin e Policisë Nr. 3 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për shtetasin D. R., 36 vjeç, banues në Tiranë, pasi dyshohet se për motive të dobëta ka goditur me grushte shtetasin A. V., 40 vjeç.
Materialet i kaluan Prokurorisë.