Raporti i ngjarjeve, 7 tetor 2025

PKK Rinas

Arrestohet gjatë tentativës për të hyrë në Republikën e Shqipërisë, një shtetas i dënuar në Brazil, për vrasje.

Si rezultat i verifikimeve të kryera në hyrje/dalje të Republikës së Shqipërisë, me objektiv goditjen e paligjshmërive në kufi dhe ndalimin e shtetasve në kërkim, shërbimet e Policisë Kufitare të Rinasit arrestuan provizorisht, në hyrje të vendit, shtetasin brazilian Alex Fernado Vioti, 51 vjeç, banues në Itali.

Ai ishte shpallur në kërkim ndërkombëtar, pasi në vitin 2023, Gjykata e Goiania, Brazil, e ka dënuar me 8 vjet burgim, për veprën penale “Vrasja”.

Interpol Tirana vijon bashkëpunimin me homologët e Interpol Brasilia, me qëllim ekstradimin e 51-vjeçarit, në Brazil.

Durrës

Vodhën një motomjet në port, me vlerë 2500 euro; kapen dhe vihen në pranga dy autorët e dyshuar.

Dy të arrestuarit ishin me detyrë për ruajtjen dhe sigurimin e objektit të portit.
Sekuestrohet motomjeti i importuar nga Zvicra.

Shërbimet e Komisariatit të Policisë Durrës, në vijim të punës për kapjen e personave që shpallen në kërkim dhe për goditjen e veprimtarive kriminale në fushën e vjedhjeve, bazuar në informacionet e siguruara në rrugë operative, lokalizuan, kapën dhe vunë në pranga shtetasit:

F. A., 45 vjeç, dhe

G. D., 47 vjeç,
të dy banues në Durrës.

Këta shtetas, në bashkëpunim me njëri-tjetrin, dyshohet se kanë vjedhur një motomjet të importuar nga Zvicra, me vlerë rreth 2500 euro, në pronësi të shtetasit K. K.

Motomjeti është vjedhur brenda ambienteve të portit të Durrësit, ndërkohë që të dy këta shtetas ishin me detyrë funksionale për ruajtjen dhe sigurimin e objektit të portit.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme procedurale, për veprën penale “Vjedhja e kryer në bashkëpunim, duke shpërdoruar detyrën.”

Drejtoria Vendore e Policisë Durrës

Shërbimet e Policisë Rrugore arrestuan shtetasin A. A., 40 vjeç, banues në Durrës, pasi dyshohet se në aksin rrugor “Hamallaj – Hidrovor”, ka humbur kontrollin mbi motomjetin që drejtonte pa leje, dhe si pasojë motomjeti është rrëzuar. Nga aksidenti është dëmtuar lehtë, 40-vjeçari.

Shërbimet e Komisariatit të Policisë Durrës kapën shtetasin e shpallur në kërkim B. M., 54 vjeç, banues në Durrës, pasi dyshohet se më datë 04.10.2025 ka ushtruar dhunë ndaj bashkëshortes së vëllait të tij. Pas konsultimit me prokurorin, për 54-vjeçarin nisi procedimi në gjendje të lirë, për veprën penale “Dhuna në familje”.

Specialistët për Hetimin e Krimeve të Komisariatit të Policisë Kavajë:

-kapën shtetasen D. M., 31 vjeçe, pasi Gjykata e Durrësit, në muajin shkurt, 2025, e ka dënuar me 8 muaj burgim, për veprën penale “Largimi i të burgosurit nga vendi i qendrimit”;

-referuan materialet në Prokurori, ku nisi procedimi në gjendje të lirë për shtetasit R. Rr., 29 vjeç dhe E. M., 37 vjeçe, bashkëjetues, banues në Kavajë, pasi dyshohet se janë konfliktuar me njëri-tjetrin. Më pas, dyshohet se shtetasja E. M. ka tentuar të dalë nëpërmjet dritares, në ballkonin e banesës, ku është rrëzuar dhe është dëmtuar. 37-vjeçarja është aktualisht në kujdesin e mjekëve dhe jashtë rrezikut për jetën;

-referuan materialet në Prokurori, ku nisi procedimi në gjendje të lirë për shtetasen V. H., 59 vjeçe, banuese në Durrës, pasi dyshohet se ka shkuar në banesën e një 54-vjeçareje, pa dëshirën e kësaj të fundit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Fier arrestuan në flagrancë shtetasit:
-R. Xh., 25 vjeç, banues në fshatin Mbrostar Ura, pasi dyshohet se ka dëmtuar lehtë, me mjet prerës, në dorë, babanë e tij;
-E. K., 35 vjeç, banues në Roskovec, pasi dyshohet se ka ushtruar dhunë ndaj babait të tij.

Specialistët për Hetimin e Krimeve të Komisariatit të Policisë Divjakë arrestuan në flagrancë shtetasin M. S., 42 vjeç, banues në Divjakë, pasi dyshohet se ka ushtruar dhunë ndaj bashkëshortes së tij dhe fëmijëve të tyre të mitur.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi penal për shtetasin B. P., 53 vjeç, banues në fshatin Pirrë, pasi dyshohet se ka ushtruar dhunë psikologjike ndaj babait të tij.

Materialet procedurale iu referuan Prokurorisë së Fierit, për veprime të mëtejshme.

Kukës

Specialistët për Hetimin e Krimeve arrestuan shtetasin I. V., 42 vjeç, banues në Kukës, i dënuar më parë për dhunë në familje, pasi ka kallëzuar bashkëshortja e tij 34 vjeçe, se ai ka ushtruar dhunë psikologjike ndaj saj dhe ndaj 3 fëmijëve të tyre të mitur.

Materialet procedurale i kaluan Prokurorisë, për veprime të mëtejshme.

Drejtoria Vendore e Policisë Tiranë

Specialistët për Hetimin e Krimit Ekonomik dhe Financiar referuan materialet në Prokurori, ku nisi procedimi në gjendje të lirë për shtetasin F. Z., 72 vjeç, pasi dyshohet se në anë të mashtrimit dhe falsifikimit të dokumentave është pajisur me një vërtetim pronësie pët një sipërfaqe toke në pronësi të shtetasit F. V.

Specialistët për Hetimin e Krimeve të Komisariatit Nr. 2 referuan materialet në Prokurori, ku nisi procedimi në gjendje të lirë për shtetasit G. D dhe L. D, pasi për motive të dobëta kanë goditur me grushte shtetasin T. B.

Specialistët për Hetimin e Krimeve të Komisariatit Nr. 4:
-referuan materialet në Prokurori, ku nisi procedimi në gjendje të lirë për shtetasin G. M, pasi në Rrugën e Arbërit, është konstatuar duke hedhur dhera në kundërshtim me ligjin;
-referuan materialet në Prokurori, ku nisi procedimi në gjendje të lirë për shtetasin G. K., pasi gjatë një konflikti për motive të dobëta ka goditur me grushte shtetasin A. V;
-shpallet në kërkim shtetasin R. F, pasi dyshohet se ka ushtruar dhunë psikologjike, ndaj ish-bashkëshortes. Punohet për shoqërimin e tij.

Specialistët për Hetimin e Krimeve të Komisariatit Nr. 5 referuan materialet në Prokurori, ku nisi procedimi në gjendje të lirë për shtetasit R. Q dhe E. C, pasi për motive të dobëta janë konfliktuar fizikisht me njëri-tjetrin.

Specialistët për Hetimin e Krimeve të Komisariatit Nr. 6:
-arrestuan shtetasin B. R., 66 vjeç, pasi dyshohet se ka ushtruar dhunë fizike ndaj nuses së djalit të tij;
-referuan materialet në Prokurori, ku nisi procedimi në gjendje të lirë për një 18-vjeçar dhe për një 20-vjeçar, pasi për motive të dobëta kanë goditur me grushte një 17-vjeçar;
-shpallën në kërkim shtetasin E. D, pasi në anë të mashtrimit i ka marrë një shumë parash shtetasit Sh. G.

Specialistët për Hetimin e Krimeve të Komisariatit Nr. 7 referuan materialet në Prokurori, ku nisi procedimi në gjendje të lirë për shtetasin D. R., 81 vjeç, pasi dyshohet se ka ushtruar dhunë ndaj nipit të tij, të cilit iu plotësua urdhëri i mbrojtjes së menjehershme.

Specialistët për Hetimin e Krimeve të Komisariatit Krujë arrestuan shtetasit A. M., 40 vjeç, F. M., 33 vjeç dhe A. M., 37 vjeç, kushurinj, pasi për motive të dobëta janë konfliktuar fizikisht me njëri-tjetrin.

Më datë 07.10.2025, janë paraqitur për mjekim në spital shtetaset Xh. O., 31 vjeçe, K. M., 25 vjeçe dhe E. A., 20 vjeçe, pasi dyshohet se në banesat e tyre përkatëse, kanë konsumuar mbidozë medikamentesh. Aktualisht ato janë në kujdesin e mjekëve dhe jashtë rrezikut për jetën.

Materialet procedurale i janë referuar Prokurorisë së Tiranës, për veprime të mëtejshme.

Drejtoria Vendore e Policisë Korçë

Shërbimet e Komisariatit të Policisë Korçë arrestuan në flagrancë shtetasin S. K., 48 vjeç, banues në Korçë, pasi dyshohet se ka ushtruar dhunë fizike ndaj djalit të tij, i cili u pajis me urdhër mbrojtjeje.

Materialet procedurale iu referuan Prokurorisë së Korçës, për veprime të mëtejshme.

Drejtoria Vendore e Policisë Vlorë

Specialistët për Hetimin e Krimeve në Komisariatin e Policisë Vlorë:
-arrestuan shtetasin I. S., 26 vjeç, pasi u kap jashtë banesë, në shkelje të masës së sigurisë “Arrest në shtëpi” të caktuar nga Gjykata;
-referuan materiale në Prokurori dhe shpallën në kërkim shtetasin K. Z., 32 vjeç, pasi dyshohet si autor i vjedhjes së disa vegla pune në një subjekt në fshatin Panaja. Punohet për kapjen e tij.

Specialistët e Seksionit të Trafikut Urban dhe Interurban Vlorë arrestuan shtetasin E. A., 35 vjeç, banues në Vlorë, pasi në rrugën “Gjergj Kastrioti” u konstatua nga shërbimet e Policisë duke drejtuar automjetin në gjendje të dehur.

Materialet iu referuan Prokurorisë, për veprime të mëtejshme.

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Fier arrestuan në flagrancë shtetasit:
-R. Xh., 25 vjeç, banues në fshatin Mbrostar Ura (me probleme të shëndetit mendor), pasi dyshohet se ka dëmtuar lehtë, me mjet prerës, në dorë, babanë e tij;
-E. K., 35 vjeç, banues në Roskovec, pasi dyshohet se ka ushtruar dhunë ndaj babait të tij.

Specialistët për Hetimin e Krimeve të Komisariatit të Policisë Divjakë arrestuan në flagrancë shtetasin M. S., 42 vjeç, banues në Divjakë, pasi dyshohet se ka ushtruar dhunë ndaj bashkëshortes së tij dhe fëmijëve të tyre të mitur.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi penal për shtetasin B. P., 53 vjeç, banues në fshatin Pirrë, pasi dyshohet se ka ushtruar dhunë psikologjike ndaj babait të tij.

Materialet procedurale iu referuan Prokurorisë së Fierit, për veprime të mëtejshme.

DVP Vlorë
Kapet dhe vihet në pranga edhe autori i dytë i shpallur në kërkim, për kultivim dhe shitje narkotikësh në territorin e Himarës, në kuadër të planit operacional “Koordinata”.
Shërbimet e Seksionit për Hetimin e Narkotikëve në bashkëpunim me Forcën e Posaçme “Shqiponja”, si rezultat i kontrolleve intensive për kapjen e shtetasve të shpallur në kërkim dhe vënien e tyre përpara përgjegjësisë ligjore, bënë të mundur kapjen dhe ndalimin e shtetasit:
•A. N., 30 vjeç, banues në Delvinë.
Ky shtetas ishte shpallur në kërkim, pasi së bashku me shtetasin R. B., i ndaluar më herët, janë autorë të dyshuar për veprat penale “Kultivimi i bimëve narkotike” dhe “Prodhimi dhe shitja e narkotikëve”. Këta shtetas, në bashkëpunim me njëri-tjetrin, në territorin e bashkisë Himarë, kishin kultivuar bimë kanabisi dhe e përpunonin më tej me qëllim shitjen.
Materialet iu referuan Prokurorisë, për veprime të mëtejshme procedurale.

Drejtoria Vendore e Policisë Shkodër

Specialistët për Hetimin e Krimeve të Komisariatit të Policisë Shkodër kanë referuar materialet në Prokurori, për vlerësim, pasi dje, ka kallëzuar shtetasi H. Xh., 73 vjeç, banues në Shkodër, se shtetasi G. A., banues në Shkodër, i ka prishur rrjetën që rrethonte pronën e tij dhe i ka vjedhur disa materiale.

Specialistët për Hetimin e Krimeve të Komisariatit të Policisë Malësi e Madhe kanë referuar materialet në Prokurori, ku ka nisur procedimi penal për shtetasin M. R., 64 vjeç, banues në fshatin Dobraç, pasi ka kallëzuar shtetasi Z. R., 74 vjeç, banues në fshatin Koplik i Sipërm, se shtetasi M. R. i ka dëmtuar rrethimin e tokës së tij, në fshatin Koplik i Sipërm.

Gjithashtu, specialistët për Hetimin e Krimeve të Komisariatit të Policisë Malësi e Madhe kanë referuar materialet në Prokurori, për vlerësim, pasi ka kallëzuar shtetasi P. A., 55 vjeç, se shtetasi N. A., 65 vjeç, banues në fshatin Lëpushë, i ka zaptuar banesën dhe truallin e tij, në fshatin Lëpushë.

Specialistët për Hetimin e Krimeve të Komisariatit të Policisë Vau i Dejës kanë referuar materialet në Prokurori, për vlerësim pasi ka kallëzuar shtetasi P. D., 61 vjeç, banues në fshatin Koman, se dyshon që shtetasja P. Gj., 58 vjeçe, i ka dëmtuar rrjetën që rrethon pronën e tij.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Drejtoria Vendore e Policisë Elbasan

Specialistët për Hetimin e Narkotikëve ekzekutuan masën e sigurisë “Arrest në burg”, për shtetasin F. R., 24 vjeç, caktuar nga Gjykata e Shkallës së Parë e Juridiksionit të Përgjithshëm Elbasan, me vendimin e datës 06.10.2025, për veprën penale “Prodhimi dhe shitja e narkotikëve”.

Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi penal për shtetasit:
-Q. Ç., 34 vjeç, pasi u konstatua duke kryer punime ndërtimi, pa leje;
-Sh. M., 43 vjeç, pasi dyshohet se ka ushtruar dhunë psikologjike ndaj bashkëshortes së tij, e cila u pajis me urdhër mbrojtjeje.

Specialistët për Hetimin e Krimeve të Komisariatit të Policisë Gramsh referuan materialet në Prokurori ku nisi procedimi penal për shtetasin L. D., 39 vjeç, pasi dyshohet se i ka dërguar mesazhe me përmbajtje fyese, në celular, një 64-vjecari.

Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi penal për dy 17-vjeçarë, pasi kanë goditur njëri-tjetrin, me grushte, për motive të dobëta.

Më datë 06.10.2025, ka kallëzuar shtetasja Z. L., 59 vjeçe, se në muajin nëntor 2024, ka humbur kontaktet me bashkëshortin e saj, shtetasin B. L., 67 vjeç. Po punohet për gjetjen e tij.

Dje, është paraqitur në spitalin e Librazhdit, një 17-vjeçar, pasi nuk është ndjerë mirë. Ai mori mjekim dhe u largua në banesë, në gjendje të mirë shëndetësore. Vijonë hetimet për verifikimin e rastit. Materialet i kaluan Prokurorisë, për vlerësim.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Drejtoria Vendore e Policisë Dibër

Specialistët për Hetimin e Krimeve të Komisariatit të Policisë Mat referuan materialet në Prokurori, ku nisi procedimi penal për shtetasit F.T., 62 vjeç; G.K., 60 vjeç; A.T., 35 vjeç, banues në Klos, pasi ditën e djeshme janë konfliktuar me shtetasin A.P., me qëllim pengimin e punimeve për ndërtimin e një Hec-i.

Shërbimet e Sektorit të Policisë Rrugore, referuan materialet në Prokurori, ku nisi procedimi penal për shtetasen Xh.K., 21 vjeçe, banuese në Maqellarë, pasi duke drejtuar automjetin tip “Range Rover”, ka aksidentuar një shtetase të mitur, e cila ndodhet në spital, jashtë rrezikut për jetën.

Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Drejtoria Vendore e Policisë Lezhë

Në vijim të informacioneve paraprake të dhëna dje, për dy aksidente rrugore, bëjmë me dije se në përfundim të veprimeve hetimore, shërbimet e Policisë Rrugore Lezhë arrestuan në flagrancë shtetasit:
-Xh. N., 27 vjeçe, banuese në Kurbin, e cila në aksin rrugor “Milot-Lezhë”, dyshohet se aksidentoi me pasojë vdekjen, shtetasin V. K., 75 vjeç;
-E. K., 38 vjeç, banues në Kurbin, i cili në aksin rrugor “Mamurras-Milot”, dyshohet se aksidentoi me pasojë vdekjen, shtetasin V. L., 43 vjeç.

Specialistët për Hetimin e Krimeve të Komisariatit të Policisë Kurbin arrestuan shtetasin J. I., 20 vjeç, banues në Kurbin, pasi ka ushtruar dhunë ndaj gjyshit të tij, i cili u pajis me urdhër mbrojtjeje.

Materialet procedurale iu referuan Prokurorisë, për veprime të mëtejshme.

Drejtoria Vendore e Policisë Tiranë
Përmbyllen veprimet hetimore lidhur me ngjarjen e ndodhur më datë 06.10.2025, ku rreth orës 15:35, u vra me armë zjarri gjyqtari A. K., nga shtetasi E. Sh., brenda ambienteve të Gjykatës së Apelit, Tiranë, zbardhet i plotë mekanizmi i vrasjes.
Së bashku me  autorin e vënë menjëherë në pranga pas ngjarjes, arrestohen edhe shtetasit G. Sh. dhe B. K.
Më datë 06.10.2025, rreth orës 15:38, është marrë njoftim në sallën operative të Drejtorisë Vendore të Policisë Tiranë se në ambientet e brendshme të Gjykatës së Apelit të Juridiksionit të Përgjithshëm Tiranë është qëlluar me armë zjarri gjyqtari A. K., i cili po zhvillonte seancë gjyqësore me objekt “Kundërshtimin e veprimeve përmbarimore”, me palë paditëse shtetasin R. K, i shoqëruar nga djali i tij E. K., si dhe palë të paditur përmbaruesi gjyqësor T. M., Zyra Përmbarimore Shkodër, dhe palë të treta shtetasin G. Sh, i shoqëruar nga nipi i tij E. Sh.
Menjëherë pas marrjes së njoftimit, shërbime të shumta policie kanë mbërritur në vendngjarje duke marrë masa për shoqërimin e autorit si dhe të gjithë shtetasve të dyshuar ose që kishin dijeni për ngjarjen.
Njëkohësisht, grupi hetimor i përbërë nga oficerë të Policisë Gjyqësore dhe ekspertë kriminalistë, nën drejtimin e Prokurorisë, kanë vijuar me veprimet hetimore si këqyrja e vendit të ngjarjes, administrimi dhe këqyrja paraprake e pamjeve filmike, marrja e deklarimeve nga dëshmitarët duke bërë të mundur zbardhjen dhe dokumentimin e plotë të dinamikës së kësaj ngjarjeje, si më poshtë:
Në orën 13:42, në ambientet e sallës së pritjes për publikun të Gjykatës janë futur dhe kanë kaluar nga pajisja skaner (detektor), njëri pas tjetrit, shtetasit E. Sh. dhe G. Sh. Në ekranin e detektorit është sinjalizuar prezenca e metaleve duke ndezur dritat e kuqe, por shtetasi B. K., me detyrë punonjës sigurie pranë Gjykatës së Apelit Tiranë, ka qëndruar i ulur në karrige dhe nuk ka kryer asnjë veprim për kontrollin fizik të këtyre shtetasve apo regjistrimin e tyre në librin e protokollit, ku duhet të evidentohen të gjithë personat që hyjnë dhe dalin nga ambientet e Gjykatës.
Të dy këta shtetas, E. Sh. dhe G. Sh., qëndrojnë në hollin e pritjes së Gjykatës deri rreth orës 15:29, dhe më pas futen në ambientet e sallës së zhvillimit të seancës gjyqësore (salla nr. 3). Në orën 15:35, palët ngrihen në këmbë dhe, menjëherë pasi gjyqtari A. K. shpall vendimin, shtetasi E. Sh., që ndodhej në sallë, nxjerr nga brezi një armë zjarri pistoletë dhe qëllon disa herë në drejtim të gjyqtarit A. K., i cili, si pasojë e dëmtimeve të marra dhe pas ndihmës së parë mjekësore, ka ndërruar jetë gjatë transportit për në spital.
Njëkohësisht, pas këtij veprimi, shtetasi E. Sh. i drejton pistoletën dhe qëllon një herë në drejtim të shtetasve R. K. dhe E. K., duke i plagosur të dy, të cilët aktualisht ndodhen në spital jashtë rrezikut për jetën.
Gjithashtu, nga hetimet ka rezultuar se shtetasi G. Sh. nuk ndërmerr asnjë veprim për të ndërprerë veprimet kriminale të nipit të tij, çka krijon dyshimin e arsyeshëm se ai ka qenë në dijeni të planit për ekzekutimin e gjyqtarit të çështjes, në rolin e shtytësit dhe/ose ndihmësit.
Pas ngjarjes, shtetasi E. Sh. ka dalë nga salla dhe i ka dorëzuar armën shtetasit B. P., me detyrë nëpunës gjyqësor, për mbikëqyrjen dhe mbarëvajtjen e proceseve gjyqësore, në një tjetër sallë. Autori E. Sh., pas daljes në oborr, është neutralizuar dhe prangosur menjëherë nga punonjësit e Policisë.
Në përfundim të të gjitha veprimeve proceduriale, u bë arrestimi në flagrancë sipas veprave penale si më poshtë:
•E. Sh., 30 vjeç, si i dyshuar për veprat penale të “Vrasja e funksionarëve publikë” e kryer në bashkëpunim, “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”;
•G. Sh., 56 vjeç, si i dyshuar për veprat penale të “Vrasja e funksionarëve publikë” e kryer në bashkëpunim dhe “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim;
•B. K., 63 vjeç, si i dyshuar për veprën penale të “Shpërdorimit të detyrës”;
Në cilësinë e provës materiale u sekuestruan një armë zjarri pistoletë me tre fishekë, e përdorur nga autori, si dhe prova të tjera materiale të gjetura gjatë këqyrjes së vendit të ngjarjes, që i shërbejnë dokumentimit të kësaj ngjarjeje.
Materialet iu referuan Prokurorisë për veprime të mëtejshme.