Strukturat e Policisë së Shtetit janë të angazhuara për parandalimin, evidentimin dhe goditjen e paligjshmërive.
Drejtoria Vendore e Policisë Dibër
Në vijim të informacionit paraprak të dhënë ditën e djeshme, për shtetasin A. S., 31 vjeç, që humbi jetën, dyshohet pasi ra aksidentalisht në kontakt me rrymën elektrike, gjatë punës për vënien e një linje interneti, informojmë se:
Pas veprimeve hetimore të kryera në lidhje me këtë rast, nga specialistët për Hetimin e Krimeve të Komisariatit të Policisë Dibër, u referuan materialet në Prokurori, ku nisi procedimi në gjendje të lirë, për veprën penale “Shkelja e rregullave të mbrojtjes në punë”, për administratorin e kompanisë së internetit në të cilën ishte i punësuar 31-vjeçari, shtetasin O. K., 43 vjeç, banues në Peshkopi.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Drejtoria Vendore e Policisë Elbasan
Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi penal për shtetasit:
-A. A., 32 vjeç, pasi gjatë një konflikti për motive të dobëta, ka dëmtuar lehtë me mjet prerës (thikë) shtetasin B. H., 50 vjeç;
-E. Q., 31 vjeç, pasi nuk i është bindur urdhrit të punonjësit të Policisë, për të ndaluar automjetin;
-A. M., 28 vjeç dhe B. B., 26 vjeç, pasi me vetëgjyqësi kanë kanosur punonjësin e një subjekti privat për përpunimin e gomave, shtetasin V. B. 69 vjec, që të ndërpresë aktivitetin në këtë subjekt, me pretendimin se shkakton ndotje;
-E. L., 19 vjeçe dhe K. C., 22 vjeçe, pasi janë konfliktuar fizikisht dhe kanë demtuar me sende të forta automjetet e njëra-tjetrës, për motive të dobëta;
-M. H., 24 vjeç, për veprën penale “Vjedhja”, mbetur në tentativë, pasi u kap më flagrancë brenda rrethimit të lokalit të shtetasit A. I., në fshatin Petresh;
-D. Ç., 22 vjeç, për veprën penale “Ndërtimi i paligjshëm”.
Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi penal për shtetasin L. B., 37 vjeç, pasi ka goditur me shuplakë shtetasin Q. B., për motive të dobëta.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Shërbimet e Komisariatit të Policisë Durrës ndaluan me inisiativë shtetasit irlandezë K. S., 42 vjeç dhe K. C., 37 vjeç, të dy banues në Irlandë, sepse më datë 26.03.2025, shtetasi E. K., 33 vjeç, ka kallëzuar se në lagjen nr.13, Durrës, i kanë humbur 41 900 euro që janë gjetur nga dy 17-vjeçarë. Shtetasit irlandezë iu kanë thënë 2 të miturve se shuma e eurove ishte e tyre, iu kanë dhënë atyre 500 euro shpërblim dhe më pas janë larguar drejt Shkodrës. 2 shtetasit janë paraqitur në Policinë e Shkodres, ku kanë deklaruar se paratë i kanë gjetur. Ata i kanë dorëzuar paratë, në Policinë e Shkodrës. Në cilësinë e provës materiale u sekuestruan 41 400 euro. Materialet procedurale i kaluan Prokurorisë, për veprime të mëtejshme.
Specialistët e Qarkullimit Rrugor të DVP Vlorë arrestuan shtetasin A. K., 23 vjeç, banues në Vlorë, pasi më datë 28.03.2025, në rrugën “Dhimiter Konomi”, duke drejtuar automjetin në gjendje të dehur, dyshohet se ka humbur kontrollin mbi drejtimin e tij, duke përplasur një automjet të parkuar dhe më pas ka dalë nga rruga. Si pasojë, është dëmtuar një nga pasagjeret në këtë automjet, shtetasja R. L., 18 vjeçe, e cila pas mjekimit është larguar në banesë.
Drejtoria Vendore e Policisë Shkodër
Specialistët e Sektorit për Hetimin e Narkotikëve arrestuan shtetasin A. Sh., 33 vjeç, banues në Shkodër, pasi në PKK Muriqan, në dalje, gjatë kontrollit fizik, shërbimet e Policisë Kufitare i gjetën një sasi të vogël lënde të dyshuar narkotike kanabis. Lënda narkotike u sekuestrua në cilësinë e provës materiale, bashkë me automjetin dhe celularin e 33-vjeçarit.
Specialistët e Sektorit të Qarkullimit Rrugor arrestuan shtetasin D. P., 64 vjeç, banues në fshatin Shkjezë, pasi u kap duke drejtuar automjetin, në gjendje të dehur.
Gjithashtu, referuan materialet në Prokurori ku nisi procedimi në gjendje të lirë për shtetasen O. Sh., 36 vjeçe, banuese në fshatin Gramsh, pasi ditën e djeshme, në aksin rrugor “Kukël-Barbullush”, me automjetin që drejtonte, ka përplasur automjetin me drejtues shtetasin M. K., 33 vjeç. Si pasojë është dëmtuar lehtë shtetasja V. Sh., pasagjere në automjetin me drejtuese shtetasen O. Sh.
Specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për shtetasin P. H., 29 vjeç, pasi është konstatuar duke drejtuar një automjet në të cilin mbante pa leje, shenja dalluese si të Policisë (fenelina), të cilat u sekuestruan në cilësinë e provës materiale, bashkë me automjetin.
Në vijim të informacionit të dhënë më datë 26.03.2025, për arrestimin e shtetasve M. T. dhe D. S., të cilët nuk iu bindën urdhrit të Policisë, për të ndaluar motomjetin me të cilin lëviznin, me targë të vjedhur dhe me numër shasie të ndryshuar, bëjmë me dije se nga kontrollet e kryera në vijim të veprimeve hetimore për këtë rast, dje, në lagjen “3 Heronjtë”, është gjetur një pako me lëndë të dyshuar plasëse, e cila dyshohet se është hedhur aty, nga këta shtetas, më datë 26.03.2025. Pakoja u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Fier
Në vijim të informacionit të dhënë më datë 30.03.2025, mbi djegien e një lokali në plazhin e Darëzezës, informojmë se në vijim të veprimeve hetimore dhe operacionale në lidhje me rastin, u ndaluan shtetasit A. T., 23 vjeç, E. M., 20 vjeç, A. S., 20 vjeç, E. L., 19 vjeç dhe D. L., 19 vjeç, të pestë banues në Fier, si dhe u shpall në kërkim shtetasi A. R., 19 vjeç, pasi dyshohen si autorë të këtij rasti. Vijon puna për kapjen e shtetasit A. R., si dhe në drejtimin e Prokurorisë, po kryhen hetime për të individualizuar përgjegjësinë penale të secilit prej këtyre shtetasve, si dhe për të dokumentuar shkakun e zjarrit.
Materialet procedurale iu referuan Prokurorisë së Fierit, për veprën penale “Shkatërrimi i pronës me zjarr”, kryer në bashkëpunim.
DVP Tiranë/Finalizohet pas hetimeve disamujore, operacioni policor i koduar “Suspend”.
Goditet një rast i trafikimit të armëve të zjarrit nga Kosova, me qëllim shitjen. Sekuestrohen 2 pistoleta dhe municion luftarak.
Vihen në pranga 2 shtetas kosovarë të cilët dyshohet se i kanë trafikuar 2 pistoletat, me qëllim shitjen në Tiranë, me vlerë afro 10 000 euro.
Si rezultat i hetimeve disamujore të kryera me metoda proaktive, në drejtimin e Prokurorisë, për goditjen e veprimtarisë kriminale të shitjes së armëve të zjarrit, Seksioni për Hetimin e Trafiqeve të Paligjshme, në bashkëpunim me Forcën Operacionale të DVP Tiranë, ka organizuar dhe finalizuar operacionin policor të koduar “Suspend”, si rezultat i të cilit u arrestuan shtetasit:
A. P., 23 vjeç dhe K. P., 53 vjeç, të dy banues në Kosovë.
Gjatë operacionit, shërbimet e Policisë kanë ndaluar në autostradën “Lezhë – Fushë Krujë”, automjetin me të cilin qarkullonin shtetasit A. P. dhe K. P., në të cilin, gjatë kontrollit, kanë gjetur dhe sekuestruar 2 armë zjarri pistoleta dhe municion luftarak. Nga hetimet dyshohet se këta shtetas i kanë trafikuar pistoletat nga Kosova, me qëllim shitjen në Tiranë.
Vijojnë hetimet në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë.
Materialet procedurale i kaluan Prokurorisë, për veprime të mëtejshme.
PKK Kakavijë
Finalizohet operacioni policor i koduar “Modifikimi”.
Falë kontrolleve të shtuara të Policisë Kufitare bazuar dhe në inteligjencës policore, parandalohet dhe goditet një rast i tentativës për trafikim të lëndëve narkotike drejt Greqisë.
Gjatë kontrolleve intensive me mjete logjistike bashkëkohore dhe duke përdorur dhe qenin antidrogë, Policia gjen të fshehura në brendësi të një automjeti, 60 pako me lëndë narkotike Cannabis Sativa, me peshë totale 63.2 kilogramë.
Vihen në pranga drejtuesi i automjetit ku u gjet lënda narkotike dhe një shtetase që udhëtonte me të.
Gjatë kontrollit fizik të dy shtetasve, Policia gjeti dhe 1890 euro.
Shërbimet e Policisë Kufitare si rezultat i kontrolleve të imtësishme për parandalimin, evidentimin dhe goditjen e tentativave për trafikim të lëndëve narkotike, si rezultat i intensifikimit të kontrollit, bazuar dhe në analizën e riskut dhe inteligjencën policore, në bashkëpunim me autoritetet doganore, kanë kaluar për kontroll të detajuar në vijën e dytë, në dalje, automjetin që drejtohej nga shtetasi O. K.
Nga kontrolli i imtësishëm, duke përdorur edhe teknikat bashkëkohore të kontrollit, shërbimet e Policisë gjetën të fshehura në një vend të fshehtë të krijuar posaçërisht në parafangot e automjetit dhe në shasinë e automjetit, 60 pako të mbështjella me natriban, brenda të cilave kishte lëndë narkotike të dyshuar Cannabis Sativa, me peshë totale 63.2 kilogramë.
Në vijim të veprimeve të para hetimore, specialistët për Hetimin e Trafiqeve dhe Narkotikëve të DVP Gjirokastër arrestuan në flagrancë shtetasit:
-O. K., 44 vjeç, banues në Fier, shoferi i automjetit;
-E. Xh., 45 vjeçe, banuese në Fier, pasagjere në automjetin ku u gjet lënda narkotike.
Në cilësinë e provës materiale u sekuestruan 63.2 kilogramë Cannabis Sativa, 3 celularë, automjeti dhe 1890 euro.
Materialet proceduarale do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme për veprën penale “Trafikimi i lëndëve narkotike”, kryer në bashkëpunim.
Tiranë/Finalizohet operacioni policor i koduar “Quick response” nga Komisariati Nr. 3.
I vodhi me dhunë celularin një 52-vjeçari, në rrugë, gjatë një konflikti, identifikohet, kapet dhe vihet në pranga autori i ngjarjes.
Në cilësinë e provës materiale u sekuestrua aparati celular i 52-vjeçarit.
Shërbimet e Komisariatit të Policisë Nr. 3, ditën e djeshme, pas informacionit të marrë se në Rrugën e Barrikadave, një shtetas, ka vjedhur me dhunë aparatin celular një 52-vjeçari, kanë organizuar punën për identifikimin dhe kapjen e autorit të dyshuar.
Si rezultat i hetimeve të shpejta hetimore dhe profesionale të kryera nga specialistët për Hetimin e Krimeve të Komisariatit të Policisë Nr. 3 është lokalizuar dhe arrestuar shtetasin e huaj zvicerian J. K., 20 vjeç.
Ditën e djeshme, ky shtetas ka ndjekur 52-vjeçarin gjatë kohës që po kthehej për në banesë, dhe pasi e ka ndaluar është konfliktuar fizikisht me të dhe i ka marrë aparatin celularin.
Aparati celular u gjet gjatë kontrollit fizik të ushtruar ndaj 20-vjeçarit.
Materialet procedurale i kaluan Prokurorisë, për veprime të mëtejshme.
Drejtoria Vendore e Policisë Gjirokastër
Specialistët e Sektorit të Policisë Rrugore arrestuan në flagrancë shtetasin E. B., 56 vjeç, banues në Përmet, pasi u konstatua duke drejtuar automjetin në gjendje të dehur.
Specialistët për Hetimin e Krimeve në Komisariatin e Policisë Gjirokastër referuan materialet në Prokurori ku nisi procedimi penal për shtetasin B. K., 39 vjeç, banues në Gjirokastër, pasi dyshohet se gjatë një konflikti të çastit, për motive të dobëta, ka goditur me sende të forta shtetasin A. N., 25 vjeç, banues në fshatin Mingul, i cili është dëmtuar lehtë.
Specialistët për Hetimin e Krimeve në Komisariatin e Policisë Përmet referuan materialet në Prokurori ku nisi procedimi penal për shtetasin Dh. P., 65 vjeç, banues në fshatin Stërmbec, Përmet, pasi ka dëmtuar piketën e bërë për murin rrethues të banesës së shtetasit S. Q.
Pasditen e djeshme, në aksin rrugor Gjirokastër-Sarandë, dyshohet se për shkak të një shkëndije elektrike, është djegur pjesërisht, automjeti që drejtonte shtetasi K. Th. Si pasojë, ka pasur vetëm dëme materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Pogradec
Plagosi me mjet prerës(thikë), për motive të dobëta një 36-vjeçar, kapet dhe vihet në pranga autori i dyshuar.
Procedohet në gjendje të lirë një 38- vjeçar, që ndihmoi autorin e ngjarjes për tu larguar nga vendngjarja.
Menjëherë pas njoftimit të marrë, se rreth orës 20:20, të mbrëmjes së djeshme, në lagjen nr. 3 Pogradec, kishte ndodhur një plagosje me mjet prerës, (thikë), shërbimet e Komisariatit të Policisë Pogradec, organizuan punën dhe shkuan menjëherë në vendngjarje. Si rezultat i veprimeve të shpejta hetimore dhe operacionale,bënë të mundur identifikimin e autorit të dyshuar të plagosjes së 36-vjeçarit.
Nga hetimet e kryera rezultoi se shtetasi L. O., menjëherë pas konfliktit, ishte larguar nga vendi i ngjarjes me një automjet tip “Benz”, nga shtetasi A. B., alias A. O.
Pas disa orësh kërkimesh është bërë e mundur kapja e autorit të dyshuar të ngjarjes.
Në përfundim të veprimeve të para hetimore, Specialistët për Hetimin e Krimit të Komisariatit të Policisë Pogradec arrestuan shtetasin L. O., 54 vjeç, banues në Pogradec, për veprat penale ” Plagosje e rëndë me dashje” dhe “Prodhimi dhe mbajtja pa leje e armëve të ftohta”, si dhe proceduan në gjendje të lirë shtetasin A. B., alias A. O. 38 vjeç, banues në Blacë, Pogradec për veprën penale “Përkrahja e autorit të krimit”.
Në cilësinë e provës materiale janë sekuestruar automjeti dhe mjeti prerës.
I dëmtuari ka marrë asistencë mjekësore dhe është jashtë rrezikut për jetën.
Materialet procedurale iu referuan Prokurorisë së Korçë, për veprime të mëtejshme.
Tiranë
Vijojnë kontrollet intensive bazuar në inteligjencën policore për të parandaluar, evidentuar dhe goditur çdo rast të tentativës për ushtrim të veprimtarisë kriminale në fushën e narkotikëve dhe armëmbajtjes pa leje.
Si rezultat i kontrolleve në kuadër të operacionit “Mix” janë goditur dy raste të armëmbajtjes pa leje dhe të përshtatjes së lokalit për përdorim e shitje të drogës.
Shpallet në kërkim pronari i lokalit që kishte përshtatur lokalin për shitje e përdorim droge dhe në lokal mbante armë zjarri pa leje.
Arrestohet gjatë operacionit “Mix” punonjësi i lokalit, i dyshuar si bashkëpunëtor në këtë veprimtari të kundraligjshme.
Sekuestrohet arma e zjarrit pistoletë me municion luftarak dhe 4 armë të ftohta që u gjetën në lokal të cilat pronari i lokalit i mbante pa leje.
Seksioni për Hetimin e Narkotikëve në DVP Tiranë, bazuar në informacionet e siguruara nga inteligjenca informative dhe në vijim të kontrolleve të ushtruara në ambiente të ndryshme për goditjen e veprimtarisë kriminale në fushën e armëmbajtjes pa leje dhe narkotikëve, në kuadër të operacionit policor “Mix” arrestuan shtetasin L. T., 18 vjeç, si dhe shpallën në kërkim shtetasin G. C., 26 vjeç, të dy banues në Tiranë.
Nga kontrolli i lokalit, shërbimet e Policisë gjetën e sekuestruan një armë zjarri pistoletë, municion luftarak, 3 krehër pistolete, 4 armë të ftohta dhe prova të tjera materiale.
Vijon puna për kapjen e pronarit të lokalit dhe dokumentimin e plotë ligjor i kësaj veprimtarie kriminale.
Materialet i kaluan Prokurorisë, për veprime të mëtejshme procedurale.
Specialistët për Hetimin e Krimeve të Komisariatit të Policisë Librazhd në vijim të veprimeve hetimore procedurale në lidhje me ngjarjen e ndodhur më datë 28.03.2025, ku ka humbur jetën shtetasi S. K., 60 vjeç, usta, i cili dyshohet se aksidentalisht është rrëzuar nga lartësia gjatë punës për rregullimin e kangjellave në verandën e shtetasit Xh. B., kanë referuar materiale në Prokurori ku ka nisur procedimi penal për shtetasin Xh. B., 77 vjeç për veprën penale “Shkelja e rregullave të mbrojtjes në punë”. Gjithashtu, nga deklarimet e familjarëve shtetasi S. K., ka patur probleme shëndetësore.
Drejtoria Vendore e Policisë Tiranë
Specialistët e Seksionit për Hetimin e Narkotikëve arrestuan shtetasit:
-I. Sh., 53 vjeç, pasi gjatë kontrollit fizik, shërbimet e Komisariatit të Policisë Nr. 4, i gjetën e i sekuestruan një sasi lënde e dyshuar narkotike kokainë dhe një sasi lënde e dyshuar narkotike kanabisi;
-A. S., 22 vjeç, pasi gjatë kontrollit fizik, shërbimet e Forcës së Posaçme “Shqiponja” i gjetën e i sekuestruan një sasi lënde e dyshuar narkotike kokainë.
Specialistët për Hetimin e Krimeve të Komisariatit të Policisë Nr. 1:
-arrestuan shtetasin Xh. Ç., 27 vjeç, pasi ka kundërshtuar punonjësit e policisë, për shkak të detyrës;
-referuan materialet në Prokurori, ku nisi procedimi në gjendje të lirë për shtetasen L. K., 38 vjeçe, pasi dyshohet se ka ushtruar dhunë ndaj djalit të saj të mitur 17 vjeç.
Specialistët për Hetimin e Krimeve të Komisariatit të Policisë Nr. 2 arrestuan shtetasin P. R., 55 vjeç, pasi dyshohet se ka ushtruar dhunë ndaj bashkëshortes të tij(në proces divorci)
Specialistët për Hetimin e Krimeve të Komisariatit të Policisë Nr. 3 referuan materialet në Prokurori, ku nisi procedimi në gjendje të lirë për shtetasit e mitur të moshës 15 vjeç,pasi dyshohet se për motive të dobëta, janë konfliktuar fizikisht me njëri-tjetrin;
-shpallën në kërkim shtetasin S. K., 38 vjeç, pasi dyshohet se në anë të mashtrimit ka marrë në banesën e tij një 24-vjeçare, të cilën dyshohet se e ka ngacmuar seksualisht. Punohet për kapjen e tij dhe sqarimin e rrethanave të rastit.
Specialistët për Hetimin e Krimeve të Komisariatit të Policisë Nr. 4 referuan materialet në Prokurori, ku nisi procedimi në gjendje të lirë për shtetasin E. K., 33 vjeç, pasi për motive të një vendparkimi i ka dëmtuar automjetin në pronësi të shtetasit G. S.
Specialistët për Hetimin e Krimeve të Komisariatit të Policisë Nr. 5 referuan materialet në Prokurori, ku nisi procedimi në gjendje të lirë për 3 shtetas të mitur 17 vjeç dhe 16 vjeç pasi dyshohet se për motive të dobëta, janë konfliktuar fizikisht me njëri-tjetrin.
Specialistët e qarkullimit rrugor arrestuan shtetasit:
-A. D., 39 vjeç, M. Gj., 25 vjeçe dhe E. R., 31 vjeçe, pasi u kap duke drejtuar automjetin, në gjendje të dehur;
-D. K., 37 vjeçe, pasi duke drejtuar automjetin, ka aksidentuar këmbësorin shtetasin F. K., 67 vjeç, i cili ndodhet në spital, nën kujdesin e mjekëve.
-Më datë 28.03.2025, shtetasi D. D., 39 vjeç, kallëzon se më datë 27.03.2025, në rrugën “Pjetër Bogdani”, është goditur nga një shtetas i paidentifikuar. Punohet për identifikimin dhe kapjen e autorit.
Materialet procedurale iu referuan Prokurorisë së Tiranës, për veprime të mëtejshme.
Gjatë ditëve të fundit, në të gjithë vendin janë proceduar penalisht 260 shtetas, konkretisht: 75 shtetas janë vënë në pranga, 163 janë proceduar në gjendje të lirë, si dhe janë shpallur në kërkim 22 shtetas, për vepra të ndryshme penale. Për lokalizimin, kapjen dhe vënien në pranga të shtetasve të shpallur në kërkim, vijon intensivisht puna nga ana e strukturave të Policisë.
Në fushën e narkotikëve janë evidentuar 29 raste. 15 shtetas janë vënë në pranga, 1 shtetas është shpallur në kërkim dhe 18 shtetas janë proceduar në gjendje të lirë.
Në fushën e krimeve kundër personit janë evidentuar 36 raste, 2 prej tyre me autorë të paidentifikuar. Për rastet e tjera, 5 shtetas janë vënë në pranga, 4 shtetas janë shpallur në kërkim dhe 38 shtetas janë proceduar në gjendje të lirë.
Në fushën e armëmbajtjes pa leje janë evidentuar 17 raste. 8 shtetas janë vënë në pranga, 2 shtetas janë shpallur në kërkim dhe 8 shtetas janë proceduar në gjendje të lirë.
Në fushën e krimit ekonomik janë evidentuar 12 raste, njëri prej tyre me autor/ë të paidentifikuar. Për raste të tjera, 4 shtetas janë vënë në pranga, 2 shtetas janë shpallur në kërkim dhe 7 shtetas janë proceduar në gjendje të lirë.
Në fushën e veprave penale me objekt vjedhjen e pasurisë/tentativat për vjedhje të pasurisë, janë evidentuar 29 raste, 12 prej tyre me autorë të paidentifikuar. 11 shtetas janë vënë në pranga, 5 shtetas janë shpallur në kërkim dhe 9 të tjerë janë proceduar në gjendje të lirë, për vjedhje të tjera.
Në fushën e krimit mjedisor dhe veprave penale me objekt shkatërrimin e pronës me zjarr ose me mjete të ndryshme, janë evidentuar 25 raste, njëri prej tyre me autor/ë të paidentifikuar. Për raste të tjera, 5 shtetas janë vënë në pranga, 4 shtetas janë shpallur në kërkim dhe 22 shtetas janë proceduar në gjendje të lirë.
Për veprën penale “Dhuna në familje” janë evidentuar 22 raste. 6 shtetas janë vënë në pranga, 3 shtetas janë shpallur në kërkim dhe 13 të tjerë të proceduar në gjendje të lirë, si dhe janë plotësuar 27 kërkesëpadi për lëshimin e menjëhershëm të urdhrit të mbrojtjes.
Janë evidentuar:
-9 raste të mosbindjes/kundërshtimit me dhunë të urdhrave të punonjësve të Policisë. 6 shtetas janë vënë në pranga dhe 7 shtetas janë proceduar në gjendje të lirë;
-7 raste të cenimit të masës së sigurisë “Arrest në shtëpi”, me 6 shtetas të vënë në pranga dhe 1 shtetas të proceduar në gjendje të lirë;
-5 raste të falsifikimit. 5 shtetas janë proceduar në gjendje të lirë;
-4 raste të vetëgjyqësisë. 5 shtetas janë proceduar në gjendje të lirë;
-4 raste të përdorimit me keqdashje të thirrjeve telefonike. 2 shtetas janë shpallur në kërkim dhe 2 shtetas janë proceduar në gjendje të lirë;
-3 raste të mbajtjes pa të drejtë të uniformës, me 1 shtetas të shpallur në kërkim dhe 2 shtetas të proceduar në gjendje të lirë;
-3 raste të prishjes së qetësisë publike. 4 shtetas janë proceduar në gjendje të lirë;
-3 raste të shkeljes së rregullave të mbrojtjes në punë. 3 shtetas janë proceduar në gjendje të lirë;
-2 raste të kalimit të paligjshëm të kufirit, me 2 shtetas të proceduar në gjendje të lirë;
-2 raste të shpërdorimit të detyrës, me 5 shtetas të proceduar në gjendje të lirë;
-2 raste të njoftimit të rremë në organet e rendit, me 2 shtetas të proceduar në gjendje të lirë;
-2 raste të ngacmimit seksual, me 1 shtetas të arrestuar dhe 1 shtetas të shpallur në kërkim;
-2 raste të veprimeve në kundërshtim me vendimin e gjykatës, me 1 shtetas shpallur në kërkim dhe 1 shtetas të proceduar në gjendje të lirë;
-1 rast i kanosjes për dhënie të pasurisë, me 1 shtetas të arrestuar dhe 1 shtetase të proceduar në gjendje të lirë. Për një rast të mëparshëm të kësaj vepre penale, është kapur dhe ndaluar 1 shtetas;
-1 rast i dhunimit të banesës, me 1 shtetas të arrestuar;
-nga 1 rast i vjedhjes së energjisë elektrike dhe krimeve kibernetike, për të cilat po hetohet për të përcaktuar autorësitë;
-nga 1 rast i organizimit të kundërligjshëm të lojërave të fatit, përvetësimit të sendeve të vjedhura, shitjes së ushqimeve të rrezikshme për shëndetin dhe përkrahjes së autorit të krimit, me 7 shtetas në total, të proceduar në gjendje të lirë.
2 shtetas të kërkuar për moskallëzim të krimeve, janë kapur dhe ndaluar.
Në të gjithë vendin kanë ndodhur 10 aksidente, si pasojë e të cilave 13 shtetas janë dëmtuar. Janë evidentuar në total 34 raste të veprave penale në fushën e qarkullimit rrugor. 19 shtetas janë vënë në pranga dhe 17 shtetas janë proceduar në gjendje të lirë.