Strukturat e Policisë së Shtetit janë të angazhuara për parandalimin, evidentimin dhe goditjen e paligjshmërive.
Gjatë 24 orëve të fundit, në të gjithë vendin janë proceduar penalisht 69 shtetas, konkretisht: 17 shtetas janë vënë në pranga, 42 janë proceduar në gjendje të lirë, si dhe janë shpallur në kërkim 10 shtetas, për vepra të ndryshme penale. Për lokalizimin, kapjen dhe vënien në pranga të shtetasve janë shpallur në kërkim, vijojnë punën intensivisht, strukturat e Policisë.
Në fushën e narkotikëve janë evidentuar 12 raste. 3 shtetas janë vënë në pranga dhe 9 shtetas janë proceduar në gjendje të lirë.
Në fushën e krimeve kundër personit janë evidentuar 11 raste, njëri prej tyre me autor/ë të paidentifikuar. Për raste të tjera, 1 shtetas është arrestuar, 2 shtetas janë shpallur në kërkim dhe 9 shtetas janë proceduar në gjendje të lirë.
Në fushën e krimeve ekonomike, janë evidentuar 2 raste. 1 shtetas është ndaluar, 1 shtetas është arrestuar, 1 shtetas është shpallur në kërkim dhe 6 shtetas janë proceduar në gjendje të lirë.
Për veprat penale në fushën e vjedhjes/tentativës për vjedhje të pronës dhe pasurisë janë evidentuar 4 raste, njëri prej tyre me autor/ë të paidentifikuar. Për raste të tjera, 2 shtetas janë shpallur në kërkim dhe 1 shtetas është proceduar në gjendje të lirë.
Në fushën e krimeve kundër mjedisit dhe veprave penale dhe objekt shkatërrimin e pronës me mjete të ndryshme, janë evidentuar 7 raste. 8 shtetas janë proceduar në gjendje të lirë.
Janë evidentuar 9 raste të dhunës në familje. 3 shtetas janë arrestuar, 2 shtetas janë shpallur në kërkim dhe 4 shtetas janë proceduar në gjendje të lirë. Gjithashtu, janë plotësuar 11 kërkesëpadi për lëshimin e urdhrit të mbrojtjes së menjëhershme.
Janë evidentuar:
-3 raste të krimeve kibernetike. 2, me autor/ë të paidentifikuar, ndërsa rasti tjetër me 1 shtetas të shpallur në kërkim;
-2 raste të posedimit të kundërligjshëm të armëve të ftohta, me 2 shtetas të arrestuar;
-2 raste të mosbindjes/kundërshtimit të urdhrave të punonjësve të Policisë, me 2 shtetas të proceduar në gjendje të lirë;
-nga 1 rast i largimit të të burgosurit nga vendi i qendrimit, pengimeve për ekzekutimin e vendimeve të gjykatës dhe braktisjes së fëmijëve të mitur, me nga 1 shtetas të shpallur në kërkim;
-nga 1 rast i vetëgjyqësisë, shpërdorimit të detyrës, fyerjes, veprimeve të turpshme dhe përndjekjes, me nga 1 shtetas të proceduar në gjendje të lirë.
1 shtetas i kërkuar për largim të të burgosurit nga vendi i qendrimit, është kapur.
Kanë ndodhur 3 aksidente rrugore, me 3 viktima dhe 1 shtetas të dëmtuar. Janë evidentuar 11 raste të veprave penale në fushën e qarkullimit rrugor, njëri prej tyre me autor të paidentifikuar. Për raste të tjera, 8 shtetas janë vënë në pranga dhe 2 shtetas janë proceduar në gjendje të lirë.