Raporti i ngjarjeve, 03.01.2026

Drejtoria Vendore e Policisë Tiranë

Specialistët për Hetimin e Narkotikëve arrestuan shtetasit N. A., 28 vjeç dhe R. M., 32 vjeç, pasi në rrugën “Muharrem Caushi”, shërbimet e Komisariatit të Policisë Nr. 6 kapën në flagrancë shtetasin N. A., duke i shitur një sasi lënde narkotike të dyshuar kokainë shtetasit R. M, e cila u sekuestrua në cilësinë e provës materiale.

Specialistët për Hetimin e Krimeve të Komisariatit të Policisë Nr. 2:

•arrestuan shtetasit E.(E). Gj.(Gj)., 43 vjeç dhe M. Gj., 52 vjeç, pasi dyshohet se, për motive të dobëta, kanë thyer xhamat si dhe me anë të një sendi të fortë kanë dëmtuar pajisjet e lokalit me menaxher shtetasin E. D. Gjithashtu, 43-vjeçari dyshohet se ka goditur me grushte vëllain e shtetasit E. D., si dhe ka dëmtuar kamerat e sigurisë gjatë qëndrimit në dhomën e shoqërimit;

•kapën shtetasin në kërkim A. Gj., 33 vjeç, pasi Gjykata e Korçës e ka dënuar me 20 ditë burgim për veprën penale “Prostitucioni”. Gjithashtu, ndaj tij ka bërë kallëzim bashkëjetuesja, e cila pretendon se ky shtetas i ka fshehur dokumentet me qëllim që ajo të mos largohej. 33-vjeçari iu dorëzua DVP Korçë për veprime të mëtejshme;

•referuan materialet në Prokurori për shtetasit F. S. dhe B. S., pasi dyshohet se, për motive të dobëta, kanë ushtruar dhunë ndaj njëri-tjetrit.

Specialistët për Hetimin e Krimeve të Komisariatit të Policisë Nr. 3 arrestuan shtetasin Sh. A., 26 vjeç, pasi dyshohet se, për motive të dobëta, ka ushtruar dhunë ndaj të dashurës së tij.

Specialistët për Hetimin e Krimeve të Komisariatit të Policisë Nr. 4 referuan materialet në Prokurori për shtetasit V. H., L. H., L. H., S. H. dhe S. K., pasi dyshohet se, për motive të dobëta, kanë kanosur shtetasen A. E.

Specialistët për Hetimin e Krimeve të Komisariatit të Policisë Nr. 5 referuan materialet në Prokurori për shtetasit F. N., A. D., B. R. dhe A. Gj., pasi dyshohet se, për motive të dobëta, janë konfliktuar me njëri-tjetrin.

Specialistët për Hetimin e Krimeve të Komisariatit të Policisë Nr. 6:

•arrestuan shtetasin Xh. D., 41 vjeç, pasi dyshohet se, për motive pronësie, ka ushtruar dhunë ndaj vëllait të tij;

•referuan materialet në Prokurori për shtetasin A. T., pasi dyshohet se, për motive të dobëta, ka goditur me grushte shtetasin B. T.;

•shpallën në kërkim shtetasin K. K., 27 vjeç, pasi dyshohet se ka ushtruar dhunë ndaj bashkëjetueses së tij. Punohet për kapjen e tij dhe sqarimin e rrethanave të rastit.

Materialet procedurale iu referuan Prokurorisë së Tiranës për veprime të mëtejshme.

Drejtoria Vendore e Policisë Vlorë

Specialistët e Seksionit të Trafikut Urban dhe Interurban Vlorë arrestuan shtetasin O. A., 22 vjeç, banues në Vlorë, pasi ditën e djeshme, në rrugën “Demokracia”, duke drejtuar automjetin e markës Audi, ka aksidentuar në vijat e bardha këmbësorin shtetasin P. O., 96 vjeç, banues në Vlorë, i cili ndodhet në spital, nën kujdesin e mjekëve.

Specialistët për Hetimin e Krimeve në Komisariatin e Policisë Sarandë referuan materiale në Prokurori dhe nisën procedimin penal për shtetasin F. B., 56 vjeç, banues në fshatin Bërdenesh, Sarandë, pasi dyshohet se ka ushtruar dhunë fizike ndaj bashkëshortes së tij.

Materialet iu referuan Prokurorisë, për veprime të mëtejshme.

Drejtoria Vendore e Policisë Durrës

Shërbimet e Policisë Rrugore arrestuan në flagrancë shtetasin T. D., 31 vjeç, banues në Durrës.
31 vjeçari me automjetin që drejtonte, në aksin Sallmone–Shijak, ka aksidentuar këmbësoren, shtetasen E. H., 51 vjeçe, e cila ndodhet në Spitalin e Traumës, në kujdesin e mjekëve.

Specialistët për Hetimin e Krimeve të Komisariatit të Policisë Durrës arrestuan në flagrancë shtetasin S. H., 40 vjeç, banues në Durrës, pasi dyshohet se ka ushtruar dhunë ndaj ish-bashkëshortes së tij.

Gjithashtu, shpallën në kërkim shtetasin A. K., 31 vjeç, banues në Durrës, i cili është person me masë sigurimi “arrest në shtëpi”, pasi nga kontrolli i ushtruar mbrëmjen e djeshme nuk është gjetur në banesë.
Punohet për kapjen e 31-vjeçarit.

Specialistët për Hetimin e Krimeve të Stacionit të Policisë Plazh arrestuan në flagrancë shtetasin S. Sh., 36 vjeç, banues në Durrës, pasi dyshohet se ka ushtruar dhunë ndaj bashkëjetueses së tij.

Më datë 02.01.2026 është paraqitur shtetasja M. Ç., 19 vjeçe, banuese në Durrës, e cila kallëzon se është larguar nga banesa vëllai i saj, shtetasi G. Ç., 31 vjeç. Punohet për gjetjen e 31-vjeçarit.

Materialet procedurale iu referuan Prokurorisë së Durrësit për veprime të mëtejshme.

Drejtoria Vendore e Policisë Shkodër

Specialistët e Qarkullimit Rrugor:
-arrestuan shtetasin K. H., 31 vjeç, banues në Shkodër, pasi duke drejtuar automjetin e tij në gjendje të dehur, automjeti është përplasur me një automjet tjetër, duke shkaktuar vetëm dëme materiale, dhe është larguar nga vendi i aksidentit;
-referuan materialet në Prokurori, për vlerësim fakti, pasi dje në lagjen “Skënderbeg”, shtetasi P. A., 30 vjeç, duke drejtuar motomjetin e tij, pa leje drejtimi dhe nën efektin e alkoolit, ka humbur kontrollin e motomjetit dhe është vetërrëzuar. Si pasojë është dëmtuar dhe ndodhet në Spitalin Rajonal Shkodër.

Specialistët për Hetimin e Krimeve të Komisariatit të Policisë Shkodër:
-arrestuan shtetasin P. F., 41 vjeç, banues në fshatin Oblikë, pasi dyshohet se ka ushtruar dhunë fizike dhe psikologjike ndaj bashkëshortes së tij;
-referuan materialet në Prokurori, ku nisi procedimi penal në gjendje të lirë për shtetasin G. L., 52 vjeç, pasi u kap duke transportuar 3 m³ lëndë drusore të prerë në mënyrë të kundërligjshme. Lënda drusore u sekuestrua si provë materiale.

Specialistët për Hetimin e Krimeve Ekonomiko-Financiare referuan materialet në Prokurori, ku nisi procedimi penal për shtetasin E. B., 40 vjeç, pasi në biznesin e tij është konstatuar duke tregtuar lëndë piroteknike pa dokumentacionin përkatës.

Specialistët për Hetimin e Krimeve të Komisariatit të Policisë Pukë referuan materialet në Prokurori, ku nisi procedimi penal në gjendje të lirë për shtetasin F. T., 32 vjeç, banues në Pukë, pasi ka bërë kallëzim shtetasi K. A., 24 vjeç, se 32-vjeçari e ka fyer dhe kanosur.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

DVP Vlorë

Parandalohet një ngjarje e mundshme kriminale me pasoja për jetën, falë reagimit të menjëhershëm të Policisë.

Vihen në pranga dy shtetas, njëri prej të cilëve qëlloi me armë zjarri në ajër, gjatë një konflikti.

Shërbimet e Komisariatit të Policisë Vlorë, pas marrjes së njoftimit se në ambientet e jashtme të një lokali disa persona po konfliktoheshin dhe se njëri prej tyre kishte armë zjarri, ndërhynë menjëherë për parandalimin e përshkallëzimit të konfliktit, duke arrestuar 2 autorët, konkretisht shtetasit:

• A. H., 19 vjeç, banues në Vlorë;
• M. A., 25 vjeç, banues në Orikum.

Arrestimi i tyre u bë pasi, në lagjen “Uji i Ftohtë”, Vlorë, në ambientet e jashtme të një lokali, gjatë një konflikti fizik midis 2 shtetasve të mësipërm dhe disa personave të tjerë, shtetasi M. A. ka marrë armën e zjarrit pistoletë nga shoku i tij, shtetasi A. H., dhe ka qëlluar një herë në ajër.

Falë ndërhyrjes së menjëhershme të shërbimeve të patrullës, u bë e mundur neutralizimi dhe kapja e dy shtetasve, si dhe gjetja dhe sekuestrimi i armës së zjarrit pistoletë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprat penale “Prishja e qetësisë publike” dhe “Mbajtja pa leje dhe prodhimi i armëve, armëve shpërthyese dhe municionit”.

DVP Elbasan

I shpallur në kërkim ndërkombëtar nga autoritetet kosovare, për veprimtari kriminale në fushën e narkotikëve, kapet dhe arrestohet me qëllim ekstradimin, 34-vjeçari.

Në vijim të punës për lokalizimin, kapjen dhe ndalimin e shtetasve të shpallur në kërkim, Seksioni për Hetimin e Narkotikëve i DVP Elbasan, në bashkëpunim me Komisariatin e Policisë Cërrik, lokalizuan, kapën dhe arrestuan me qëllim ekstradimin në Kosovë, shtetasin:

A. S., 34 vjeç, banues në Cërrik.

Ky shtetas ishte shpallur në kërkim ndërkombëtar, pasi Gjykata Themelore e Pejës i ka caktuar masën e sigurisë “Arrest në burg”, për veprat penale “Kultivimi i narkotikëve” dhe “Prodhimi dhe shitje e narkotikëve”.

Interpol Tirana, në bashkëpunim me autoritetet kosovare, kreu procedurat për ekstradimin e 34-vjeçarit.