Gjirokastër/Procedohen në gjendje të lirë 4 shtetas, për vepra penale të ndryshme.
Specialistët për Hetimin e Krimeve të Komisariatit të Policisë Gjirokastër referuan materialet në Prokurori ku nisi procedimi në gjendje të lirë për shtetasit K. A., 36 vjeç, A. A., 29 vjeç dhe M. B., 31 vjeç, të tre banues në Gjirokastër, pasi janë konfliktuar fizikisht, për motive të dobëta, me shtetasin A. B., 33 vjeç, banues në Gjirokastër.
Specialistët për Hetimin e Krimeve të Komisariatit të Policisë Tepelenë referuan materialet në Prokurori ku nisi procedimi në gjendje të lirë për shtetasin E. K., 45 vjeç, banues në fshatin Hormovë, Tepelenë, pasi dyshohet se ka tentuar të djegë lokalin në pronësi të shtetasit R. E., 60 vjeç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.