DVP Shkodër
Vijojnë kontrollet në territor, bazuar dhe në ankesat dhe shqetësimet e qytetarëve për parandalimin, evidentimin dhe ndëshkimin e subjekteve që shkaktojnë ndotje akustike duke gjeneruar muzikë.
Prishi qetësinë publike duke vënë muzikë mbi normat e lejuara, në një lokal në lagjen “Vasil Shanto”, ndëshkohet me masë administrative 200 000 lekë të rinj, administratori i subjektit.
Në kuadër të masave të shtuara për ruajtjen e qetësisë publike dhe për mbrojtjen nga ndotja akustike në zonat turistike, bazuar dhe në telefonatat e qytetarëve, strukturat e DVP Shkodër kanë intensifikuar, monitorimet në subjektet që zhvillojnë veprimtari me muzikë të lartë.
Shërbimet e Komisariatit të Policisë Shkodër, pasi morën njoftim nga salla operative per një ankesë për muzikë të lartë në lagjen “Vasil Shanto”, konstatuan se niveli i muzikës i tejkalonte kufijtë e lejuar me ligj. Në përfundim, ndaj administratorit të këtij subjekti, shtetasit M. L., u vendos masë administrative me vlerë 200 000 lekë.
Drejtoria Vendore e Policisë Shkodër i bën thirrje të gjithë personave fizikë dhe juridikë që të respektojnë nivelin dhe orarin e lejuar për muzikën që gjenerojnë nga aktivitetet në subjektet e tyre.
#PoliciaShkodër
#SezoniVeror2025 ☀️
#NëShërbimTëQytetarëve