Specialistët për Hetimin e Krimeve në Komisariatin e Policisë Fier, në bashkëpunim me Policinë e Tiranës, kapën dhe ndaluan shtetasin e shpallur në kërkim Elsi Roshi, 39 vjeç, banues në Gramsh, pasi Gjykata e Apelit Vlorë, e ka dënuar këtë shtetas me 4 muaj e 11 ditë burgim, për veprën penale “Futja ose mbajtja e sendeve të ndaluara në institucionin e ekzekutimit të vendimeve me burgim”.
Po nga këto struktura u arrestua në flagrancë shtetasi G. M., 45 vjeç, banues në Petovë, Fier, për veprën penale “Dhuna në familje”, pasi ka goditur me sende të forta bashkëshorten e tij, e cila ndodhet në spital nën kujdesin e mjekëve.
—
Specialistët për Hetimin e Krimeve të Komisariatit të Policisë Lushnjë proceduan penalisht shtetasen E. Z., 32 vjeçe, banuese në Karbunarë, Lushnjë, për veprën penale “Plagosja e lehtë me dashje”, pasi ka ushtruar dhunë fizike ndaj shtetases E. S., 36 vjeçe.
Materialet i kaluan Prokurorisë, për veprime të mëtejshme procedurale.