DVP Durrës
U kap në flagrancë nga shërbimet e Policisë, duke thyer xhamin e një automjeti, me qëllim vjedhjen, vihet në pranga 40-vjeçari.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin G. Ll., 40 vjeç, banues në Durrës, për veprën penale “Vjedhja”, mbetur në tentativë, pasi sot, rreth orës 05:00, është kapur në flagrancë nga shërbimet e Policisë që patrullonin në zonë, duke thyer xhamin e një automjeti, me qëllim vjedhjen.
–
Specialistët për Hetimin e Krimeve të Komisariatit të Policisë Shijak arrestuan në flagrancë shtetasin N. S., 51 vjeç, banues në Pjezë, pasi ka ushtruar dhunë fizike ndaj djalit të tij.
Specialistët e Sektorit të Qarkullimit Rrugor arrestuan në flagrancë shtetasin G. V., 43 vjeç, banues në Durrës, pasi në segmentin rrugor “Plepa-Ndroq”, automjeti që e drejtonte në gjendje të dehur është përplasur me automjetin me drejtues I. K., 51 vjeç, banues në Durrës. Nga aksidenti është dëmtuar lehtë shtetasi I. K.
Specialistët për Hetimin e Krimeve të Komisariatit të Policisë Durrës referuan materialet në Prokurori, ku nisi procedimi në gjendje të lirë për shtetasit A. A. dhe F. S., të dy banues në Durrës, pasi janë konfliktuar me njëri-tjetrin, për motive të dobëta.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.