DVP Durrës
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin A. A., 29 vjeç, banues në Kosovë, dhe referuan materialet në Prokurori ku nisi procedimi penal për shtetasin M. M., 29 vjeç, banues në Suedi, pasi kanë ushtruar dhunë ndaj shtetasit F. V.
Specialistët për Hetimin e Krimeve të Komisariatit të Policisë Durrës referuan materialet në Prokurori, ku nisi procedimi në gjendje të lirë për shtetasit:
M. B., 33 vjeç, banues në fshatin Rrashbull, pasi ka qëlluar me shuplakë shtetasin F. S., për motive të dobëta;
A. V., 42 vjeç, banues në Durrës, pasi ka qëlluar me shuplakë bashkëshorten e tij, për motive të dobëta.
H. B., 77 vjeç, banues në Durrës, pasi gjatë kontrollit në banesë iu gjetën 3 armë të ftohta, të cilat u sekuestruan në cilësinë e provës materiale.
—
Durrës/Më datë 20.05.2025, rreth orës 22:30, në lagjen nr. 1, në vendin e quajtur “Veliera”, është konstatuar një pako me lëndë të dyshuar plasëse.
Menjëherë pas marrjes së njoftimit, shërbimet e Policisë shkuan në adresën e dhënë dhe vendosën perimetrin e sigurisë, ndërsa njësia antieksploziv e RENEA-s kreu veprimet për çaktivizimin e pakos me lëndë plasëse që ishte lidhur me një celular të ngjitur me natriban.
Grupi hetimor, në drejtimin e Prokurorisë, po punon për zbardhjen e rrethanave të rastit, identifikimin dhe kapjen e autorit/ve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.