DVKM Kukës
Kontrolle intensive nga shërbimet e Policisë Kufitare, për parandalimin, evidentimin dhe goditjen e paligjshmërive dhe kapjen e shtetasve në kërkim/që tentojnë të kalojnë kufirin në mënyrë të parregullt.
Si rezultat i këtyre kontrolleve, Policia Kufitare e Morinës:
-kapi shtetasin I. Sh., 45 vjeç, banues në Elbasan, pasi nga verifikimet e kryera rezultoi se ishte shpallur në kërkim 10 ditë më parë, nga Komisariati i Policisë Nr. 6 Tiranë, për veprën penale “Dhuna në familje”. Veprimet e tjera procedurale për këtë shtetas do të kryhen nga ky komisariat;
-kapi shtetasin A. D., 21 vjeç banues në Lezhë, pasi nga verifikimet e kryera rezultoi se ishte me masë sigurie “Arrest në shtëpi”, për veprën penale “Prodhimi dhe shitja e narkotikëve”, caktuar nga Gjykata e Lezhës. Veprimet e tjera procedurale për këtë shtetas do të kryhen nga DVP Lezhë.
-Shërbimet e Policisë Kufitrë Qafë Prush kapën në flagrancë gjatë natës, në tentativë për të kaluar kufirin në mënyrë të paligjshme, me automjete, në fshatin Dobrune, Has, shtetasit R. S., 39 vjeç dhe E. K., 33 vjeç, të dy banues në Shkodër. Për këta shtetas nisi procedimi në gjendje të lirë, për veprën penale “Kalimi i paligjshëm i kufirit shtetëror”.
Materialet procedurale i kaluan Prokurorisë, për veprime të mëtejshme.