DRKM Kukës
Të shpallur në kërkim për krime kundër personit/pronës, kapen në hyrje të RSh-së dhe vihen në pranga 2 shtetas.
-Shërbimet e Policisë Kufitare në Qafë Prush, si rezultat i kontrolleve të shtuara dhe i shkëmbimit të informacioneve me strukturat e DVP Tiranë, kapën në hyrje, shtetasin A. Q., 26 vjeç, banues në fshatin Qarr, Has.
Ky shtetas ishte shpallur në kërkim për llogari të Komisariatit të Policisë Nr. 2, Tiranë, pasi Gjykata e Tiranës i ka caktuar masën e sigurisë “Arrest në burg”, për veprën penale “Shkatërrimi i pronës me zjarr”.
Veprimet e tjera procedurale u kryen nga shërbimet e këtij komisariati, të cilët ekzekutuan masën e sigurisë.
-Shërbimet e Policisë Kufitare në Morinë, si rezultat i kontrolleve të shtuara dhe i shkëmbimit të informacioneve me strukturat e DVP Durrës, kapën në hyrje, shtetasin I. E., 32 vjeç, banues në Suharekë. Ky shtetas ishte shpallur në kërkim për llogari të Komisariatit të Policisë Kavajë, për veprat penale “Dhuna në familje” dhe “Përndjekja”.
Veprimet e tjera procedurale u kryen nga shërbimet e Komisariatit të Policisë Kavajë.
—
Kukës/Më datë 02.04.2025, gjatë natës, në lagjen nr. 2, është djegur automjeti në pronësi të shtetasit Sh. E. Grupi hetimor vijon punën për përcaktimin e shkakut të djegies së automjetit.