Drejtoria Vendore e Policisë Vlorë
Specialistët për Hetimin e Krimeve në Komisariatin e Policisë Vlorë kapën dhe ndaluan personin në kërkim A. M., 46 vjeç, banues në Vlorë, pasi Gjykata e Shkallës së Parë të Juridiksionit të Përgjithshëm Vlorë e ka dënuar këtë shtetas me dy muaj burg për veprën penale “Vjedhja”.
Po nga specialistët për Hetimin e Krimeve në Komisariatin e Policisë Vlorë u referuan materialet në Prokurori dhe nisi procedimi penal për shtetasit:
•R. P., 51 vjeç, banues në Vlorë, pasi dyshohet se ka ushtruar dhunë psikologjike ndaj vëllait të tij.
•I. F., 32 vjeçe, banuese në Vlorë, pasi dyshohet se ka shqetësuar në mënyrë të përsëritur përmes telefonit, shtetasin E. M.
Specialistët për Hetimin e Krimeve në Stacionin e Policisë Selenicë referuan materialet në Prokurori, pasi më datë 03.04.2025, shtetasi A. K., 20 vjeç, banues në fshatin Kotë, i cili ndodhej në masë sigurie “Arrest në shtëpi”, dyshohet se ka rënë aksidentalisht në kontakt me rrymën elektrike në banesë dhe, si pasojë, është dëmtuar. 20-vjeçari ka marrë ndihmë mjekësore dhe ndodhet jashtë rrezikut për jetën.
Specialistët për Hetimin e Krimeve në Stacionin e Policisë Orikum referuan materialet në Prokurori, pasi më datë 03.04.2025, në Radhimë, shtetasit S. Ll., 50 vjeç, M. R., 37 vjeç, F. B., 39 vjeç dhe V. B., 52 vjeç, dyshohet se janë konfliktuar me fjalë për motive të dobëta.
Specialistët për Hetimin e Krimeve në Komisariatin e Policisë Sarandë referuan materialet në Prokurori dhe shpallën në kërkim:
•shtetasin S. C., 42 vjeç, banues në Gjirokastër, pasi dyshohet se ka kanosur me fjalë një shtetase, në Sarandë.
•një shtetas të mitur, 15 vjeç, pasi dyshohet se, për motive të dobëta, ka kanosur me thikë një 48-vjeçar, në Sarandë.
Materialet iu referuan Prokurorisë, për veprime të mëtejshme.