Drejtoria Vendore e Policisë Tiranë
Specialistët për Hetimin e Narkotikëve arrestuan shtetasin K. Z., 31 vjeç, pasi gjatë kontrollit fizik, iu gjet një sasi Kokaine, e cila u sekuestrua me cilësinë e provës materiale.
Specialistët për Hetimin e Krimeve të Komisariatit të Policisë Nr. 1:
-arrestuan shtetasin G. Xh., 49 vjeç,, pasi ka ushtruar dhunë ndaj bashkëshortes së tij;
-referuan materialet në Prokurori, ku nisi procedimi në gjendje të lirë për shtetasit E. Gj., 38 vjeç dhe V. Sh., 36 vjeç, pasi dyshohet se për motive të dobëta, janë konfliktuar fizikisht, me njëri-tjetrin.
Specialistët për Hetimin e Krimeve të Komisariatit të Policisë Nr. 2 në bashkëpunim me Komisariatin e Policisë Nr. 1 kapën e ndaluan shtetasin A. K., 33 vjeç, i shpallur në kërkim për veprën penale “Vjedhja”.
Specialistët për Hetimin e Krimeve të Komisariatit të Policisë Nr. 3:
-referuan materialet në Prokurori, ku nisi procedimi në gjendje të lirë për shtetasin R. D., 27 vjeç, pasi në rrugën “Jordan Misja” pas një konflikti për motive të dobëta, ka kanosur një 33-vjeçar;
-shpallën në kërkim shtetasin A. M., 19 vjeç, pasi në rrugën “Princ Vidi”, dyshohet se për motive të dobëta, ka goditur me sende të forta, një 15-vjeçar. Punohet për kapjen e tij.
Specialistët për Hetimin e Krimeve të Komisariatit të Policisë Nr. 4:
-referuan materialet në Prokurori, ku nisi procedimi në gjendje të lirë për shtetasin I. D., 59 vjeç, pasi dyshohet se në rrugën “Ramazan Lici” për motive të dobëta, ka kanosur një 69-vjeçar;
-referuan materialet në Prokurori, ku nisi procedimi në gjendje të lirë për shtetasin E. B., 20 vjeç, pasi në Rrugën e Dibrës, është konfliktuar fizikisht një 59-vjeçar;
-shpallën në kërkim shtetasin A. M, 37 vjeç, pasi në Rrugën e Dibrës, është konfliktuar fizikisht me një 41-vjeçar. Punohet për kapjen e tij.
Specialistët për Hetimin e Krimeve të Komisariatit të Policisë Nr. 6 shpallën në kërkim shtetasin D. B., 34 vjeç, pasi në Yrshek, ka kanosur me fjalë një 39-vjeçar.
Specialistët e qarkullimit rrugor arrestuan shtetasin A. Gj., 27 vjeç, pasi nuk i është bindur urdhërit të punonjësit të policisë për të ndaluar dhe për të kryer testin e alkoolit.
Materialet procedurale iu referuan Prokurorisë së Tiranës, për veprime të mëtejshme.