Drejtoria Vendore e Policisë Tiranë
Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasit:
-B. X., 53 vjeç, pasi në një video të postuar në portalin “JOQ”, shfaqet djali i tij 12 vjeç, duke qëlluar në ajër, me pistoletë manovër. Ky send u gjet nga Policia dhe u sekuestrua me cilësinë e provës materiale, bashkë me 14 fishekë manovër;
-S. K., 57 vjeç dhe K. K., 40 vjeç, pasi dyshohet se për motive pronësie, janë konfliktuar fizikisht me njëri-tjetrin.
Specialistët për Hetimin e Krimeve të Komisariatit të Policisë Nr. 2 referuan materialet në Prokurori, ku nisi procedimi në gjendje të lirë për shtetasit A. L., 20 vjeç dhe S. K., 19 vjeç, pasi dyshohet se për motive të dobëta, kanë goditur me grushte, njëri-tjetrin.
Specialistët për Hetimin e Krimeve të Komisariatit të Policisë Nr. 4 referuan materialet në Prokurori, ku nisi procedimi në gjendje të lirë për:
-një 16-vjeçar, pasi dyshohet se për motive të dobëta, ka goditur me grushte, një 14-vjeçar;
-shtetasin A. D., 62 vjeç, pasi dyshohet se për motive të dobëta, ka kanosur një 42-vjeçar;
-shtetaset L. Ll., 33 vjeçe dhe Y. D., 35 vjeçe, pasi dyshohet se për motive të dobëta, janë konfliktuar fizikisht me njëra-tjetrën.
Specialistët për Hetimin e Krimeve të Komisariatit të Policisë Nr. 5 referuan materialet në Prokurori, ku nisi procedimi në gjendje të lirë për 4 të mitur të moshave 14-16 vjeç, pasi dyshohet se më datat 1 dhe 2 prill, kanë vjedhur një automjet dhe një shumë parash në një dyqan.
Specialistët për Hetimin e Krimeve të Komisariatit të Policisë Nr. 6:
-arrestuan shtetasin R. M, 24 vjeç, pasi është kapur jashtë banese, në cenim të masës së sigurisë “Arrest në shtëpi” që i ishte caktuar;
-arrestuan shtetasin B. Sh., 54 vjeç, pasi ka dhunuar kushëririn e tij dhe mbante në banesë, pa leje, një armë sportive me municion. Arma me fishekët u sekuestrua me cilësinë e provës materiale;
-referuan materialet në Prokurori, ku nisi procedimi në gjendje të lirë për shtetaset B. H., 44 vjeçe dhe E. G., 31 vjeçe, pasi dyshohet se për motive të dobëta, janë konfliktuar me njëra-tjetrën.
Specialistët për Hetimin e Krimeve të Komisariatit të Policisë Nr. 7 referuan materialet në Prokurori, ku nisi procedimi në gjendje të lirë për një 17-vjeçar, pasi dyshohet se për motive të dobëta, ka goditur me send të fortë, një bashkëmoshatar.
Specialistët e qarkullimit rrugor:
-arrestuan shtetasin S. I., 19 vjeç, pasi u kap duke drejtuar automjetin, pa leje;
-referuan materialet në Prokurori, ku nisi procedimi në gjendje të lirë për shtetasin E. T., 45 vjeç, pasi dyshohet se ka humbur kontrollin mbi drejtimin e automjetit. Si pasojë automjeti ka dalë nga rruga dhe është përplasur me murin rrethues të një banese dhe me një automjet të parkuar. Nga aksidenti janë dëmtuar 45-vjeçari dhe pasagjeri në automjetin e tij, të cilët janë në kujdesin e mjekëve.
Materialet procedurale iu referuan Prokurorisë së Tiranës, për veprime të mëtejshme.