Drejtoria Vendore e Policisë Lezhë
Specialistët e Seksionit për Hetimin e Krimeve të Komisariatit të Policisë Lezhë referuan materialet në Prokurori ku nisi procedimi në gjendje të lirë për shtetasin A. P., 25 vjeç, banues në fshatin Manati, pasi është konfliktuar me shtetasin A. K., 39 vjeç, banues në Rrëshen dhe i ka dëmtuar automjetin, me sende të forta, për motive të dobëta.
Specialistët e Seksionit të Qarkullimit Rrugor arrestuan në flagrancë shtetasin A. Gj., 18 vjeç, banues në Shënkoll, Lezhë, pasi u konstatua duke drejtuar automjetin, pa leje drejtimi.
Specialistët për Hetimin e Narkotikëve referuan materialet në Prokurori ku nisi procedimi në gjendje të lirë për shtetasin E. N., 29 vjeç, pasi gjatë kontrollit fizik iu gjet një sasi lënde e dyshuar narkotike cannabis sativa.
Në Drejtorinë Vendore të Policisë Lezhë kanë kallëzuar shtetasit P. N., 59 vjeç, dhe A. K., 36 vjeç, banues në Lezhë, se në një llogari false në rrjetin social “TikTok” janë publikuar foto dhe video të montuara me mbishkrime fyese ndaj tyre. Vijojnë hetimet për identifikimin e autorit/ëve të rastit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.