Drejtoria Vendore e Policisë Gjirokastër
-Specialistët për Hetimin e Narkotikëve referuan materialet në Prokurori ku nisi procedimi penal për shtetasin M. Ll., 32 vjeç, banues në Gjirokastër, pasi gjatë kontrollit iu gjet një sasi e vogël lënde e dyshuar narkotike cannabis sativa, e cila u sekuestrua në cilësinë e provës materiale.
Specialistët për Hetimin e Krimeve të Stacionit të Policisë Dropull-Libohovë referuan materialet në Prokurori ku nisi procedimi penal për shtetasin V. Sh., banues në fshatin Peshkëpi e Sipërme, pasi gjatë kontrolleve dhe verifikimeve të kryera në bashkëpunim me shërbimet e OSHEE-së, është konstatuar lidhje e paligjshme e energjisë elektrike në një ambient që ai e kishte në përdorim.
Specialistët për Hetimin e Krimeve të Komisariatit të Policisë Përmet referuan materialet në Prokurori, për vlerësim, pasi shtetasi G. Z., 44 vjeç, banues në Durrës, u konstatua duke kryer punime ndërtimi, në një objekt në pronësi të tij.
Specialistët e Sektorit të Policisë Rrugore referuan materialet në Prokurori, për vlerësim, pasi një 16-vjeçar, banues në Gjirokastër, ka deklaruar se më datë 01.04.2025, në lagjen “18 Shtatori”, është goditur nga një automjet, i cili më pas është larguar me shpejtësi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.