Drejtoria Vendore e Policisë Elbasan
Komisariati i Policisë Elbasan arrestoi në flagrancë shtetasin A. S., 56 vjeç, banues në Elbasan, pasi dyshohet se për motive pronësie, ka ushtruar dhunë ndaj babait dhe vëllait të tij. Gjithashtu, u referuan materialet në Prokurori, ku nisi procedimi në gjendje të lirë për shtetasin D. S., 22 vjeç, pasi dyshohet se gjatë konfliktit në familje, ka goditur me grushte xhaxhanë e tij, shtetasin A. S..
Komisariati i Policisë Gramsh referoi materialet në Prokurori, ku nisi procedimi penal për shtetasin A. Ç., 38 vjeç, pasi dyshohet se për motive të dobëta, ka goditur me grushte, 2 shtetas.
Sektori i Qarkullimit Rrugor referoi materialet në Prokurori ku nisi procedimi penal për shtetasit:
-K. M., 22 vjeç, pasi u kap në vendin e quajtur “Kryqëzimi i xhamisë”, Gramsh, duke drejtuar motomjetin, pa leje drejtmi;
-G. K., 20 vjeç, banues në Tiranë, pasi pasditen e djeshme, në fshatin Bradashesh, automjeti që drejtonte ky shtetas, është përplasur me automjetin me drejtues shtetasin K. Sh., 28 vjeç. Si pasojë është dëmtuar pasagjerja që udhëtonte në automjetin me drejtues shtetasin K. Sh., e cila është jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
-Në vijim të informacionit të dhënë më datë 28.08.2024, për largimin nga banesa të shtetasit A. B., 72 vjeç, iu informojmë se ky shtetas u gjet dhe iu dorëzua familjarëve të tij, në gjendje të mirë shëndetësore.