Drejtoria Vendore e Policisë Elbasan
Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin E. P., 23 vjeç, pasi ka ushtruar dhunë ndaj një 23-vjeçareje, për motive të dobëta.
Po nga këta specialistë u referuan materialet në Prokurori ku nisi procedimi penal për shtetasit:
-P. N., 57 vjeç, H. S., 69 vjeç dhe K. S., 56 vjeç, për veprën penale “Ndërtimi i paligjshëm”;
-një 15-vjeçar dhe një 16-vjeçar, pasi dyshohet se kanë goditur me shuplakë një 14-vjeçar, për motive të dobëta.
Specialistët për Hetimin e Narkotikëve referuan materialet në Prokurori ku nisi procedimi penal për shtetasin I. X., 33 vjeç, pasi gjatë kontrollit fizik iu gjet një sasi e vogël lënde e dyshuar narkotike kokainë.
Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi penal për shtetasit:
-L. B., 26 vjeç, banues në Librazhd, pasi dyshohet se ka kanosur dhe fyer nëpërmjet celularit, shtetasin I. Ç., 40 vjeç;
-K. Xh., 34 vjeç, pasi dyshohet se ka goditur me grushte shtetasin G. P., 56 vjeç, për motive të dobëta.
Specialistët për Hetimin e Krimeve të Komisariatit të Policisë Gramsh referuan materialet në Prokurori ku nisi procedimi penal për shtetasin P. Sh., 47 vjeç, pasi ka kanosur shtetasin M. D., 19 vjeç, për motive të dobëta.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.