Drejtoria Vendore e Policisë Elbasan
Specialistët për Hetimin e Krimeve të Komisariatit të Policisë Gramsh arrestuan në flagrancë shtetasin A. S., 50 vjeç, pasi dyshohet se në gjendje të dehur, ka kanosur shtetasin R. D. dhe ka dëmtuar me sëpatë, xhamin e derës së biznesit të tij dhe 2 automjete të tjera, për motive të dobëta.
Po nga këta specialistë u referuan materialet në Prokurori ku nisi procedimi penal për shtetasit:
-V. H., 50 vjeç, F. B., 41 vjeç, G. M., 53 vjeç, M. Ç., 70 vjeç, E. O., 64 vjeç, R. M., 69 vjeç, E. O., 22 vjeç, G. Ç., 56 vjeç, V. O., 35 vjeç, E. M., 42 vjeç, M. I., 38 vjeç, N. M., 82 vjeç, pasi ditën e djeshne, në rrugën dytësore “Lënie-Gramsh”, kanë organizuar një protestë të paligjshme dhe kanë bllokuar kalimin e automjeteve të firmës që po punon për ndërtimin e hidrocentralit, me pretendimin që të asfaltohen rrugët e zonës.
Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi penal për shtetasit:
-J. A., 29 vjeç, pasi dyshohet se ka goditur me grushte shtetasin A. K., 56 vjeç, për motive të dobëta;
-G. E., 47 vjeç, F. H., 52 vjeç dhe R. N., 56 vjeç, për veprën penale “Ndërtimi i paligjshëm”.
Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi penal për shtetaset M. A., 41 vjeç dhe A. C., 55 vjeç, pasi janë konfliktuar fizikisht me njëra-tjetrën, për motive të dobëta.
Specialistët për Hetimin e Krimeve të Komisariatit të Policisë Gramsh referuan materialet në Prokurori dhe shpallën në kërkim një 17-vjeçar, pasi dyshohet se ka vjedhur një laptop, në një banesë. Po punohet për kapjen e tij.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.