Dibër | Policia vijon fushatën ndërgjegjësuese në shkolla për të mbrojtur të rinjtë dhe për të parandaluar dhunën e bullizmin ♂️♀️
Në kuadër të programit kombëtar “Siguria e të rinjve”, i zhvilluar në bashkëpunim me Ministrinë e Brendshme dhe Ministrinë e Arsimit dhe Sportit, Policia e Dibrës organizoi një seri takimesh me nxënësit e shkollave 9-vjeçare të fshatit Vakuf , Katund i Ri dhe “Myslim Shehu”, Peshkopi .
️ Gjatë këtyre bashkëbisedimeve, specialistët e policisë u ndalën te rëndësia e respektit ndaj shokëve dhe mësuesve , mënyrat për të parandaluar dhunën dhe bullizmin , si dhe përdorimi i sigurt i rrjeteve sociale dhe internetit . Nxënësit morën materiale edukative dhe u inkurajuan të reagojnë menjëherë në raste të dhunës apo sjelljeve të dëmshme ⚠️, duke kontribuar në krijimin e një mjedisi mbështetës dhe të sigurt për të gjithë ️.
Takimet synojnë të forcojnë bashkëpunimin mes Policisë, shkollës dhe familjes , duke u ofruar të rinjve njohuri dhe instrumente për të ndihmuar njëri-tjetrin dhe për të ndërtuar marrëdhënie të shëndetshme.
✅ Përmes këtij angazhimi, Policia e Dibrës rikonfirmon angazhimin e saj për mbrojtjen dhe edukimin e brezave të rinj .
#SiguriaENxënësve ✅
#PoliciaNëShkollë ♀️♂️
