Berat
Kishte përshtatur lokalin për ushtrim të veprimtarisë së lojërave të fatit me makineta, identifikohet dhe procedohet penalisht administratori i lokalit.
Sekuestrohen 3 pajisje që shërbenin për ushtrimin e lojërave të fatit.
Komisariati i Policisë Berat, si rezultat i kontrolleve në kuadër të megaoperacionit “Sundimi i ligjit”, goditi një tjetër rast të organizimit të kundërligjshëm të lojërave të fatit. Për rastin u referuan materialet në Prokurori, ku nisi procedimi në gjendje të lirë për shtetasin E. T., 66 vjeç, banues në Berat.
Në lokalin në Berat që administronte ky shtetas, u gjetën dhe u sekuestruan në cilësinë e provës materiale, 1 lap top, 1 IPad dhe 1 makinetë që përdoreshin për lojëra fati.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
