Lezhë/Takime të tjera me nxënësit, për sigurinë në shkolla ♂️
Në kuadër të bashkëpunimit mes Ministrisë së Brendshme dhe Ministrisë së Arsimit dhe Sportit, po vijon zbatimi i programit kombëtar “Siguria e të rinjve”. Qëllimi i këtij programi është rritja e ndërgjegjësimit dhe edukimi i nxënësve dhe të rinjve për çështje që lidhen me sigurinë dhe mirëqenien e tyre.
♀️ Në vijim të zbatimit të programit, ndihmësspecialistët për Edukimin në Shkolla të Komisariatit të Policisë Lezhë zhvilluan takim me nxënësit e shkollës 9-vjeçare “Atë Shtjefën Gjeçovi”.
Gjatë takimit u trajtuan pasojat penale, por dhe ato sociale dhe shëndetësore, që vijnë nga konsumi i drogës, alkoolit dhe duhanit.
Për të përcjellë mesazhe, u përdorën video, materiale ilustruese dhe fletëpalosje me informacion të dobishëm.
Nxënësit treguan interes dhe morën pjesë aktive në diskutime, duke bërë pyetje dhe duke ndarë mendimet e tyre.
Aktivitetet do të vijojnë dhe në shkolla të tjera të qarkut Lezhë.
#SiguriaEPërTëRinjtë
#PoliciaNëShkollë
#SëBashkuPërNjëKomunitetTëSigurt
